النهاردة هقدمكوا طريقة تطريز خداديتان بطريقتين مختلفتين من الستان

الطريقة الاولى :

1-نأخذ مقاس المخده ونسيب مسافه للخياطة ( 4 سم على كل جنب )

2-نقص شرايط الستان بنفس الطول

3-نرتبهم بالطريقة الموضحة بالصورة ونثبتهم بالدبابيس

4-نكويها بعد تثبيت الشكل بالدبابيس

5- نثبت الشكل على قماش تانى هيكون زى كنار للمخدة ونخيط بالماكينة وننزع الدبابيس بعد الخياطة

6-وده هيبقى شكلها النهائي

 الطريقة الثانية :

1-نأخذ مقاس المخده ونسيب مسافه للخياطة ( 4 سم على كل جنب )

2 -  نقسم الستان بالقلم مربعات متساوية 50 سم كل مربع

 3 - نحدد المربعات الستان بخيط من نفس لون القماش

4 - بعد كده فى منتصف كل مربع نبدأ ندخل الابرة من مكان ونخرجها من مكان ابعد منه بحيث نعمل شكل نجمة

5 - ده شكل النجمة اللى عملناه

6 - فى منتصف النجمة نضع خرزة

7 - ونسرج طرف الخدادية مع كشكشتها

8 - وهتبقى بالمنظر ده بعد الانتهاء من من الخرز وكشكشة الاطراف

9 - وبعدين نبدأ بخياطتها على الماكينة

10 - وده هيبقى شكلها النهائى

وده شكل تانى بنفس الطريقة

ويارب تعجبكوا