الكفته/لحم مفروم نتبله ببهارات وملح وفلفل اسود وبصل وثوم مبشورين,,وانا احب اضيف نص كاس برغل منقوع ومعصور>يعطي هشاشه للكفته<اختياري

اشكله اقراص وادهنه بشوية زيت وبالفرن من فوق حتى يتحمر وبعدين احط على الوجه كاتشاب وارجع ادخله الفرن دقيقتين لينشف الكاتشاب,,
الكفته جاهزه الحين

نجي للبطاطا نكون سلقناها ونقشرها ونهرسها ونضيف عليها ملعقة جبن سايل ونتبلها بفلفل وملح ولا نكثر لان الجبن فيه ملح ونضبط الطعم واذا كانت جامده نزيدها شوية حليب حتى يصير قوامها زي كريمة التزيين ونحطها بقمع التزيين ونشكل فوق الكفته ونرشها بسماق او بابريكا او فلفل او بقدونس> لك الحريه بالتزيين<

وبالعافيه