جاني خبر كدر على عيني النوم

من  يوم ماجاني وعيني سهيرة

والله مايلحقك ياعيني اللوم 

لو سال مع خدك بحور(ن) غزيرة 

من كثرمافالصدر لوعات وهموم

الحزن في وسط الصدر دق زيرة

ماكن لي فالارض صاحب ولاقوم

ولاكن لي  فالارض مذهب وديرة

يومي بعام وساعتي كنها يوم 

طالت وهي قدام موتة قصيرة 

من يوم خالد راح والحال مسقوم

واحد ولاكنة بعيني عشيرة 

آضرب بكفي كف وصيح وقوم 

وشرد بنفسي عن جموعن غفيرة 

في كوم انا والقلب والعين في كوم

ودموع عيني من فراقة ضريرة 

مرحوم يلي فيك الامثال مرحوم 

مرحوم يلي فيك نخوة وجيرة 

وانا اشهد اني عقب فرقاك محروم 

ضاع السلاح ولالقيت الذخيرة 

يالله يلي بمرك المسلم إيصوم 

ترحم من اللي فية تقوى وغيرة 

عساة فالفردوس والخيرمقسوم 

ومن يتكل بالله ربي نصيرة

بقلم بعيدالمدى