خلينا نربى عيالنا
خلينا فى حالنا .........,خلينا نربى عيالنا .........,انا عندى عيال عايز اربيهم.........ياعم انا مالى.........,خلينا عايشين بنجرى على لقمة العيش,بنطفح الكوتة علشان عيالنا.
مش ده كلام الشعب المصرى اللى بيرددة كل يوم؟؟
وكانت النتيجة ايه؟؟
عيالنا بتموت كل يوم فى حوادث وداخل مدارسهم ,ليه؟علشان سكتنا على الغلط واللى بنسكت علشانهم راحو مننا ,ليه؟؟ لاننا سكتنا على فساد بلدنا ومشينا فى قافلة الفساد.الكل بيتصرف بنفس المنطق.
آخر المآسى مأساة محمد اللى راح فى لحظة ومات موته بشعة ,الولد كان مطلع دماغه من الشباك وضربه الميكروباص وقتله قتله بشعه,كان السواق مخمور وماشى بدون رخص.
احنا ساكتين علشان خايفين,بس تفتكروا ايه اغلى من الضنى ؟؟ ............حبيبة بين الحياه والموت .والولد اللى مات قبلها هما الاثنين كانوا ضحية اتوبيسات المدارس اللى داستهم داخل مدرستهم.
متهئ لى كفاية بقا ..........كفاية سكوت ,الكل مهدد فى كل لحظه مبقاش فى حاجة نخاف عليها.
ياريت نفوق كلنا من الخوف اللى احنا فيه ,وياريت كل واحد فينا ميسكتش تانى على اى غلط يشوفوه.
واللى يشوف اى غلط يتصدى له وميخافش حتى لو الثمن حياته ,علشان نعيش فى امان ونحمى ولادنا لازم نضحى ومنخافش لازم نتصدى للظلم ,الامر بالمعروف والنهى عن المنكر فريضة على كل مسلم ,والسكوت على اى غلط مسئولية كل انسان.
بجد انا حاسة انى فى كابوس فظيع ,كل يوم حادثة رهيبة وضحيتها طفل برئ وام مكلومة واب ملتاع,اصبحنا فى غابة الكل بيجرى ورا المادة ونسينا اننا ممكن فى لحظه نفقد اغلى ما نملك ومش هينفعنا اللهث وراء المادة.
ياريت كلنا نجرى ورا الشئ المضمون وهو الجنه,لو طلبنا الجنه بأننا نضحى من اجل الحق ومنع الاخطاء وده من افضل الجهاد,ساعتها هنكسب دنيانا واخرانا .
ياريت كل مدعى للتدين بجد ميسكتش على اى غلط يشوفوه , الموضوع وصل لمستوى مينسكتش عليه ,واحنا اولى اننا نبدأ بتغيير المنكرات فى شوارعنا وفى بلدنا.
اسأل الله ان يصلح حال امتنا ان شاء الله.
ساحة النقاش