كم مرة هرهرو براغيك
واركض وراك لملك قطع
كان شخيرك معبا الدني
وجارنا رأفت منك انصرع
كنت تطلع الطلعة دفش دفش
وتنزل النزلة مصورخ كالسبع
زينتك بضواوي وريش نعام
ولبستك واقي صدم و درع
كم مرة صادروك الجمارك
واركض انا طالعك من الفرع
كم مرة قطعتني عالطرقات
تقهرني ويهر من عيني الدمع
وقديش غيرت فيك قطع تبديل
وكم مرة خي عالدرب انقطع
خجلتني معو كتير ياحقير
وخزان كرش بنزينك ما شبع
ما عم لحقلك بينزين يا فجعان
وزيت الماكينة عم تبلعو بلع
العمى بعيونك تقول امك 
عالزيت فطمتك تكرعو كرع
عملت حالك موزون ومعدل
ركبك بيي قمت جدعتو جدع
ورميتو عالارض مكسر تكسير
نشفت ريقو ويلعو منو طلع
بحضي لآخدك عسوق الحرامية
وبيعك يا ندل بأخس سعر وسلع