|
|
بعض الأناشيد التى تقدم لطفل الروضة:
بسم الله بسم الله *** أحلى كلام أتعلمناه
لما ناكل لما نشرب *** لازم كلمة بسم الله
لما نقرأ لما نكتب *** لازم كلمة بسم الله
لما نجرى لما نلعب *** لازم كلمة بسم الله
بسم الله بسم الله *** أحلى كلام أتعلمناه
********************
السما فين***فوق فوق
والأرض فين*** تحت تحت
أنتم وحشين*** لالالا
أنتم حلوين*** اه اه
الايد دى كام*** خمسه
والايد دى كام*** خمسه
يالا نحط إيد على إيد***يبقو عشره بالتاكيد
(ونقول الاعداد من 1الى 10)
********************
رايح فين يا حماده***رايح أجيب شوكلاته
أنت ومين ياحماده***أنا وماما وبابا
شفتم ماما*** جابتلى أيه
نونو صغير***ياختى عليه
يالا نبوسه من أيديه***ونعلمه الف به
(ونقول الحروف الابجديه مع الطفل
********************
الحضانه حلوه
الحضانه حلوه***بتعلمنا غنوه
شمر أيدك شمر***أبنى معايا وعمر
إبنى مسجد عالى ***هو أملنا الغالى
وإحنا ياهنانا***أطفال الحضانه
الميس بتوصينا***نحب بعضينا
********************
نحن الحواس الخمسة
شم وذوق ولمسة
هيا اسمعونا
هيا انظروا
نحن الحواس الخمسة نحن الحواس الخمسة
********************
احـنــا الـخـضــار*** مـيـن زيـنـا مـيـن
فـيـنــا مــعــادن*** فـيـنـا فيـتـامـيـن
خـــس وطـمـاطـم*** فـلـفــل جــــزر
********************
أصحى ياشمس بدرى*** خلى البحر يغلى
يطلع منه بخار *** يبقى سحاب طيار
يجى الريح ويشيله *** يتخانق وزميله
يحصل رعد وبرق ***يجى الخير والسعد
مطره تسقى الارض
********************
العصفوره جمعت قش *** قشه وقشه بنت العش
عشها عالى عند الشجره *** يعلو يعلو عند القمر
من عرفها مكان القش *** من علمها تبنى العش
هو الله هو الله *** سبحان الله سبحان الله
********************
ياكتكوت ياصغير مالك كده متحير
مين طلعلك ريشه يمكن بابا لالالالا
يمكن ماما لالالالا امال مين هو رب العالمين
********************
بـابا وماما وستي وجـــدي*** علمـوني أغســـل يدي
قبـل الأكل وبعده كــمان*** ذي النظـافة مـن الأيمـان
مـامـا قلتلتي أمشط شعــري*** وافرش دومـــاً أسنـاني
وأهـــدت لي فرشـة أسـنان*** ذي النظـافة مــن الأيمان
********************
بسم الله أنا أتوضأ
وبها يومي دوما يبدا
اغسل وجهي واليدين
امسح رأسي والرجلين
لا أسرف أبدا في الماء
فتقبل ربي دعاء
********************
عين علم فوق القمم***
رمز بلادي بين الامم
عند جهادي***
احمل علمي
راية ديني انا احميها**
*ادعو ربي ان يعليها
وبروحي دوما افديها
********************
خروفى
خروفى ياخروفى***ماء ماء ماء
يلابس بدله صوفى***ماء ماء ماء
ليك قرنين***وأربع رجلين
تاكل كتير***وتبقى تخين
وندبحوك ***فى العيد الكبير
بابا بابا
بابا بابا يومك طابا
دمت ربيعًا .. دمت شبابًا
لي ولأجل .. الوطن الغالي
يعمل بابا دون مِلال
بابا يتعب حتى نكبر
وطني الأكبر .. وطني الغالي
********************
أول شرط
أول شرط فى الايمان *** نسمعه فى كل أذان
لا إله ألا الله *** محمد رسول الله
نشهد أن لارب سواه *** لاإله إلا الله
نشهد أن نبى الله *** محمد رسول الله
********************
نشيد عن السمكة
سين سمكة تهوى الحركة***
تجري تسبح تقفز تمرح
تتنفس من غير هواء***
دون عناء تحت الماء
يصطاد الصياد السمكة**
*بالسنارة او بالشبكة
وانا آكل لحم السمكة**
* لما انزع منه الشوكة
********************
فصول السنة
اسع اسمع اسمع وقول * * * السنة فيها أربع فصول
شتا وربيع * * * صيف وخريف
الشتا دايماالمطر فيه * * * والبرد قاسى يا طول لياليه
أما الربيع أه ياجماله * * * دايما تتفتح أزهاره
أماالصيف يا عينى عليه * * * الشمس حامية قوى كده ليه
االخريف دايما زعلان * * * كل الشجر كده كده دبلان
كان فى أرنب
كان فى ارنب * طالع يلعب * بره البيت
لقى كتكوتة * رمت بسكوتة * جنب الحيط
خدها وكلها * قال أه يا بطنى * هاتموتنى
جوله صحابه * * وأدولوه حقنة
قال حرمت * أكل حاجة تانى * من الأرض
********************
ماما ماما يا أنغامًا
تملأ قلبي.. بندى الحب
أنت نشيدي عيدك عيدي
بسمة أمي سر وجودي
توقظني ماما بالفجر
يدها الحلوة
********************
ميه يا ميه
ميه ياميه ***تعالى عندنا
علشان نتوضأ***ونصلى لربنا
ابعد ابعد ***ياشيطان
كل اما اسمع*** الاذان
أتوضأ وأصلى*** للرحمن
أنا مسلم صاحى*** مش كسلان**لان
رمز لأمة الاسلام
نشيد الأشكال الهندسية
أنا الصديق المستطيل
اسمي على رسمي جميل
صديقتي مدورة
سميتها بالدائرة
لي صاحب مثلث
وآخر مربع
أشكالنا محببة
لطيفة مرتبة
********************
نشيد الأعداد 2
الواحد هو ربي أثنين ماما وبابا
ثلاثة هما أخواني أربعة هما أصحابي
خمسة أصابع يدي ستة أقوم من نومي
سبعة أروح مدرستي ثمانية أدخل فصلي
تسعة ابدأ درسي عشرة ألعب وأجري
********************
كدة لف البكرة كدة عوم السمكة
كدة تطير العصافير كدة نومى على السرير
كدة سلام الظباط كدة سأفت البنات
طب سأفة كبيرة لألألأ
طب أد الفيلة لألألأ
علشان شاطرين آى آى آى
و مؤدبين آى آى آى
ورونى ازاى كدة كدة اهو
********************
الاتجاهات
أدخل جوه الدايرة أطلع برة الدايرة
سأف سأفة لفوق سأف سأفةلتحت
لف يمينك مرة لف شمالك مرة
ارمى الكورة لفوق و امسكها من تحت
********************
علم بلدنا جميل وله ثلاث ألوان
الأحمر يا سلام والأبيض رمز حنان
والأسود رمز القوة في الحرب و السلام
و فيه نسر كمان
عاش عاش عاش علم بلدنا عاش
********************
كل بلاد الدنيا جميلة لكن أكتر من وطني لا
لالالالالالالالا لا لا لا
وبحب الدنيا دي بحالها لكن أكثر من وطني لا
لالالالالالالالا لا لا لا
أحلى الأوطان يا وطني يا وطني يا أحلى الأوطان
أغلى الأوطان يا وطني يا وطنني يا أغلى الأوطان
يه بعد الهي ممكن أحبو زى وطني
********************
شفت الضابط في الشارع لابس بدلة بنجوم ....... والدكتور لابس بالطو أبيض فوق الهدوم
الفلاح والفلاحة لابسين جلابية طويلة ........ والتلميذ راح مدرست بمريلة الجميلة
ماهو كل واحد أصلة له زي غير التاني .............ودي حاجة واضحة جداً قدامك وقدامي
أنا عندي لبس واحد بأخرج بيه يوم العيد ............. باخلي بالي منه عشان يفضل جديد
قف على الرصيف وأبص .. أقف على الرصيف ..أبص يمين وشمال
وأغنى الغنوه دي .. وأفكر في الكلام ... أقف على الرصيف وأبص
قبل ما أنزل رجلي .. واعدي الناحية الثانية .. لازم ما يكونش جانبي .. عربية رايحه وجايه
أقف على الرصيف وأبص
يجى حد كبير .. يمسك أيدي يعدينى .. أو عسكري المرور .. يشاور ويناديني
أقف على الرصيف وأبص .. ماما بتبقى عاوزه .. وأنا بعدى الشارع
أنى اخلي بالى .. وابقي شايف وسامع
أقف على الرصيف وأبص
********************
رغم اختلاف اللسان .. وإن البشر ألوان ... متفرقين في النوايا .. والشكل والأديان
لكن إلهنا واحد .. رب البشر واحد .. بالحب جمعنا وكلنا إنسان
وتعالوا في حضن النيل .. وحضارة وادي النيل .. فاتحين أحضنا، قلوبنا .. بيوتنا وبرضه قليل
أسمر وكان فنان .. عالحلم عينه تبان .. شمس الصباح ترعاه وفى المسا حكياه
حلم يكون لاعب .. صبح التاريخ شاهد .. على نجوم سمرا .. كتبت التاريخ روايات
أفريقيا أرض الخير .. أولدنا لسه بخير .. ملناش غير حضنك، شمسك ..حبك لينا كبير
حلم يكون لاعب .. صبح التاريخ شاهد .. على نجوم سمرا كتبت التاريخ روايات
لكن إلهنا واحد .. رب البشر واحد .. بالحب جمعنا وكلنا إنسان
وتعالوا في حضن النيل .. وحضارة وادي النيل .. فاتحين أحضنا ، قلوبنا ، بيوتنا وبرضه قليل
********************
ص الأغنية
طيري يـا يمامـة طيري أصلى بحافظ على حاجة غيري
والحاجة اللي بأخذها أستأذن من صاحبهـا وأعينها وأصونها
ولمـا أرجعهــا تانى يلاقها زى ما كانـت هي عليها
طيري يـا يمامة طيرى أصلى بحافظ على حاجة غيري
********************
بلادي بلادي بلادي لكي حبي وفؤادي
مصر يا أم البلاد أنت غايتي والمراد
وعلى كل العباد كم لنيلك من أيادي
مصر أنتي أغلي درة فوق جبينك الدهر غرة
يا بلادي عيشس حرة واصعدي رغم الأعادي
********************
خد خطوة وخطوة كمان ... وامشي بسرعة الحصان ... وأوصل مطرح ما أنا عاوز ... قبل ما أخلص الكلام
أنا دلوقتى هابقى بطئ ... وأخد بالى من الطريق ... هامشى زى سلحفة ماشية ... بتسابق أرنب جريء
لما ابقي مستعجل ... هامشى بسرعة كده ... ولو بتفسح ممكن أبطأ بالشكل ده
********************
لدنيا حر ...الدنيا حر ...الصيف دى حر نار ...فصل المصايف والشطآن
وأنا الخريف ...أنا الخريف ..جيت أعدل حر الصيف .. جوى جميل ...مطرى قليل ...تعرفنى من غير تفكير
وأنا الشتاء ....أنا الشتاء ,.....الدنيا برد متكتكه .......شمسى قليل ....مطرى كتير ...تعرفنى من غير تفكير
وفى الربيع ...فتحى يا زهور ...واظهرى للنور .....دى النسمة عبير ...... مرجيحة حرير
********************
يالا بسرعة يا أطفال ............بالحركة هنعمل أشكال
نقف وقفة الإنسان ...........ونجرى جرية الحصان
ونمشى كدة زى البطة ...........خطوة يمين وخطوة شمال
نزحف كمان زى الثعبان .........ونروح من مكان لمكان
وهنقدر نخطى الصعب ......وزى الأرنب نعمل وثب
ونقفز زى الضفدعة ............يالا بسرعة يا جماعة
زى البجعة هنعمل حجل ...........ارفع رجل ونزل رجل
ونتعلق فوق زى القرد.............مرة بضحك ومرة بجد
ونطير سوا زى العصفورة ..........أنا وأنت ونلعب بالكورة
صقفوا يالا يا أطفال .............بالحركة عملنا أشكال
********************
ياصحابى وصحباتى هنا ومحلك سر بصو وشوفوا حاجاتى 00انما أيه في السر عندى فرشه اروبه لهل شعر صغنون 00ومعايا أنبوبه 00فيها معجون00أخد من على دى 00وألمع أسنانى وأسلك ع الهادى وارجع ألمع تانى 00الصف الفقانى00منفوقه لتحتيه...والصف التحتانى ...من تحتيه لفوقيه ...وبكده لابتتلوث اسنانى ولاتسوس وتلالى ابتسااماتى واضحك كركركر.....ياصحابى وصحباتى هنا ومحلك سر بص وشوفوا حاجاتى انما أيه في السر ...عندى صابونه شقيه ....مكاره ولعبيه ...لمابغسل وشى....بشعوطلى عنيه ....ولما بغسل ايدى....تتظفلط في ايديا...أه منك ياصبونه.....ياشقيه يلمجنونهنتقلى وتقلى اما تبقى ميللى ويارتك ماتكشى إلا لمااغسل ايدى رغى ياحلوه وهاتى وان ما عمرى ما حافر ياصحابى وصحباتى هنا ومحلك سر بصوا وشوفوحجاتى انما أيه في السر ....عنى فوطه وفوطه....يا سلام على فوطى دى فوطه صغنطوطه ..بصابونتى تحمينى ....ودى فوطه ممطوطه....بعد كده تغطينى ....أطلع وانا مبسوطه مشطى أهه في يمينى وتسرحلى سنانه ماهولازم وضرورى حتى لوبسنانه عضعضلى في شعورى ...ولاادمع ولااعيط...ولااصرخ واظيط....ويامحلى فيونكاتى لونها دهب مصفر
********************
ما تعدي شارع وميدان في علامات تقول ده أمان
تمشي شمال تمشي يمين بصالك بعيون صاحيين
فيها إشارة ليك علامة ولو ماشي تبقي حماية
لما تنور نورها الأخضر يعني تعدي بلاش تتأخر
أما الأحمر ده لو بان إوعي تعدي مهما إن كان
خلي بالك من خطواتك وعينيك دايماً على إشاراتك
********************
-مي وأبويا وأختي ... وأخويا وجدي وستي
أغلى حاجة عندي ... علشان دول هم عيلتي
أمي تحن على ... وأبويا بيعلمني
أختي وأخويا صحابي ..: معايا في ضحكي ولعبي
جدي عنده حكاوي ... باتعلم منها حكايات
وستي باروح تحكيلى ... كل ليلة حكايات
********************
غنوا غنوا
غنوا غنوا يا إخوان مثل الطير فى البستان
غنوا غنوا يا إخوان تحلو الدنيا بالألحان
********************
السنة أربع فصول...عارفينهم كلينا...يالا نكرر أساميهم...نحفظهم بالغنا
شتا ربيع...صيف وخريف...الشتا أمطار وبرد...يخلص ييجى الربيع
وبيملا الدنيا الورد...بيحبوه الجميع
شتا ربيع...صيف وخريف... شتا ربيع...صيف وخريف...
بعدين يخش الصيف ...وتبقى النيا حر...والهوا وياه يكتر
شتا ربيع...صيف وخريف... شتا ربيع...صيف وخريف...
دى فصول السنة هى... أربع فصول تمام...حفظناهم ف الغنوة
يالا نعيد الكلام
شتا ربيع...صيف وخريف... شتا ربيع...صيف وخريف...
********************
ي حديقة الحيوانات ... رحت أتفرج وأتفسح ... علشان أنا كل ما أروح ... باتسلى هناك وبافرح
الفيل زلومته طويلة ... بيلقط بها السوداني ... وودانه عجبانى جدا ... أكبر قوى من ودانى
وزميلته الزرافة ... أم رقبة طويلة ... بتبر بش لي بعنيها ... ورموشها الجميلة
والقرد وقفت قصاده ... وكان معاه النسناس ... علشان في وسط شقاوته ... بيتفرج ع الناس
الأسد اللي اسمه السبع ... فتح بقه يخوفني ... لكنى لأ ما خفتش ... قفصه بيبعده عنى
********************
كلبى صغير لونه جميل لما يشوفنى يهز الذيل
يسمع صوتى يفرح بيه لما أنده له يجرى عليا
كلبى لما بأنام يحرسنى يفضل جنبى وبيهوهو
وإن جيت ألاعبه يلاعبنى والكورة وراها بيجرى
********************
ركب أيه ... بنركب أيه؟ ... ياللا نغنى ... بنركب أيه؟
الطيارة في الجو ... بتطير عند السحاب ... والأتوبيس ده ع الأرض ... بينقل الركاب
القطر بيمشى سريع ... على قضبان حديد ... والعربية في الشارع ... بتزمر من بعيد
أما المركب ف البحر ... بتعوم وكمان ف النيل ... والعجلة بتاعتى ممكن ... تمشى مشوار طويل
********************
هوا والرياح بتطير الحاجات
وتقوم التراب تنكش شعر البنات
وتلاعب الشجر الهوا والرياح
الهوا لما ييجي بيرزع البيبان
وينشف الغسيل اللي على الحبال
بعد ما يتنشر الهوا والرياح
بيساعد المراكب اللي ماشية بشراع
وينقل صوتي لمابنده على البياع
اللي بيبيع الجزر الهوا والرياح
********************
طلع الفجر
طلع الفجر يا أطفال لاح البشر والإقبال
هيا هيا للأعمال هيا نحيا بالآمال
ا صباح الخير ياخواتي وياكل الموجودين............الصبح طلع علينا وابتدي اليوم ياحلوين
ياصباح الخير ياخواتي وياكل الموجودين .............الصبح طلع علينا وابتدي يا حلوين
يامساء النور ياخواتي الشمس جاية تمسي ............خلاص اليوم هيخلص اول ما الشمس تمشي
وانتوا مع السلامة ياللي جيتوا تزورونا ............شرفتونا وفرحنا واوعوا تروحوا تنسونا
يالا تصبحوا علي خير علشان داخلين عالنوم ...........هنشوفكم بكرة بدري بعد ماننام ونقوم0
********************
أجزاء النبات
كل نبات أربع أجزاء جذع وساق زهرة وأوراق
الجذر بيسحب الميه ويطلعها كمان للساق
سكر بيغذى النبات
الساق تأخذها وتديها للأوراق علشان ترويها
والأوراق الخضر تأخذها مع شمس وهوا تحولها
سكر بيغذى النبات
********************
ا رحت المزرعة في رحلة ممتعة ... خضرة وميه وأشجار عالية. سما صافية وشمسها دافية
حمار وحصان وعش عإلى فوق الأغصان ... جريت ولعبت في كل مكان ... شفت الهدهد وأبو قردان
ركبت حمار ولما دار ... حريت وياه بين الأشجار ... يومهم يبدأ من الفجرية... عمل ونشاط وهمة قوية
أنا رحت المزرعة في رحلة ممتعة
********************
ألف باء يعنى أب هو فى قلبى ملء القلب
ألف ميم يعنى أم أدعو أمى ملء الفم
********************
ى وصفة سحرية .....................حاقولكم عليها
علشان نعملها ونفرح .................باللى هنشوفه فيها
خد اللون الاحمر ...................... وحط عليه الاصفر
يتحول برتقالى.........................قدام عينيك يتغير
أما اللون الازرق ....................لو جه عليه الاصفر
حيتبدل ويبقى ......................لون البرسيم الاخضر
الاسود ويا الابيض .................يعمل لنا رمادى
أما الاحمر و الاسود ................يبقى بنى يا صحابى
********************
سحابة جت ورشت.............بيتنا بحبة مطر
أنا قلت حاجة حلوة .............................جاية تسقى الشجر
سألت أختى نوسة.......................تقوللى حكايته أيه
قالتلى دى السحابة.......................شايلاه وجاية بيه
بيملا النيل وينزل ......................ع الورد والغيطان
الفلاحين تحبه ..............وبأحبه أنا كمان
يلا نلعب يا اطفال لعبه جميله اوي في الحال
انت تصقف واحد اتنين وانا ادبدب بالرجلين
انت تصقف تا فا تي في تا وانا ادبدب تا تي تا
********************
الله فى علاه
الله فى علاه يحرس كل الناس
لا يرتجى سواه فى شدة أو بأس
********************
صوصو صو إحنا العصافير صوصوصو بنحب نطير
بنرفرف بجناحاتنا ونغني سوا بالمناقير
صوصو صوصو صوصو صوصو صو احنا العصافير
********************
حاللو يا حاللو وصل رمضان
شهر كريم فيه الغفران
و ملايكة باذن الرحمن
طول لياليه نقرأ القرآن
جيت بالبركة و الاحسان
أهلا أهلا يا رمضان
بكرة الوقفة و بعده العيد ربى يعيده علينا سعيد
فى العيد أفراح و أغانى فى العيد زيارات و تهانى
فى العيد نلعب و نغنى و اللبس جديد فى جديد
********************
أسرتى يا أسرتى أغلى شئ فى حياتى
أجمل أم و أحسن أب و معاهم اخواتى
ماما بتطعمنى و تسقينى بابا يرعانى و يحمينى
أختى و أخويا يخافوا عليا و يلاعبونى و يسلونى
********************
العصافير بتغنى الصبح غنوة جديدة جديدة تمام
بتصبح عالدنيا بفرح و تقول عيشوا بخير و سلام
بتودع سنة راحت تجر ى و تقابل سنة جاية اوام
بتتمنى لكل الناس تتحقق كل الاحلام
********************
ماما حبيبتى يا ست الكل قلبك صافى زى الفل
حبك أغلى شئ فى حياتى و عيدك نور علينا هل
من قلبنا كلنا بنقول يا رب أحفظ ماما على طول
********************
أنا فى الروضة ويا أصحابى
ساعة للعبى و ساعة لكتابى
أعرف أرسم صورة فيها شجرة
عليها عصفورة و أعرف أعد لغاية 10
1 2 3 4 5 6 7 8 9 10
الصياد اصطاد عصفورة و حبسها فى عشة صغيورة
العصفورة زعلت ضعفت آم طيرها لعبت فرحت
كبرت غنت صو صو صو كبرت غنت صو صو صو
********************
أنا سمكة بلطية بلعب تحت المية
و أصحابى حواليا نهرب من السنارة
و الشبكة الغدارة السما فين فوق فوق
و الارض فين تحت تحت
********************
6 أكتوبر عيد النصر
علمك عالى يا غالية يا مصر
عبروا جنودنا و رفعوا علمنا
الله أكبر تحيا مصر
********************
كل نبات 4 أجزاء جذر و ساق ثمرة و أوراق
الجذر مش بتشوفه عنيا و الساق يشبه أوى رجليا
و الورقة خضرة و جميلة و الثمرة أشكالها كتيرة
********************
الولد اللى أسامة على وشه كام علامة
عارفين سببهم آية و شقاوته جابت له آيه
الكلب هجم عليه خربش وشه و ايديه
علشان دايما يعاكسه و يشده من رجليه
********************
توتة توتة توتة حاحكى لكم حدوتة
حلوة و مش ملتوتة عن قطة صغنطوطة
قطة شقية و لعبية تتنطط كل شوية
جريت ورا سحلية وقعت جوة المية
********************
كو كو كو كو الديك بينادى عالناس فى الفجر يصحيهم
كو كو كو كو مابقاش كسلان كو كو كو كو عايش فى أمان
يخدم نفسه و يعمل أكله و يساعد اخواته كمان
********************
صقف صقفة خبط خبطة
دبدب على الارض برجليك دبدب على الارض برجليك
هز كتافك ميل و أتمرجح
شاور على النجمة بايديك شاور على النجمة بايديك
شم الوردة بمناخيرك بص على الصورة بعينيك
اسمع بودانك صوت ماما بتنادى عليك
********************
1 2 1 2 من كل حاجة عندى 2
دول رجلين و دول ايدين
دول ودنين و كمان عينين
1 2 1 2
احنا تلاتة أصحاب حلوين
أسامة و أحمد و ابراهيم
يوم السبت بقينا اتنين
قلنا يا ترى أسامة فين
رحنا البيت علشان نزوره
لاقيناه رابط راسه وزوره
قلنا سلامتك قال خفيت
لما جيتونى نورت البيت
********************
بوسة لماما فى عيد الام
حضن لحضن جميل بيضم
وردة لوردة غنوة لغنوة
ماما يا حلوة ولادك جم
يدوكى بوسة فى عيد الام
********************
يوم عيد ميلادى قلت حادى بادى
مين هيجيب لى التورتة
ماما و لا دادى ماما اللى جابتها
هى اللى عملتها يا رب يخلى ماما
و أعيش و أكبر و جيب لماما فستان مشجر
********************
كان مرة الفيل ابو زلومة
ماشى يغنى و باله مرتاح
راح يشرب ساعة العصرية
راح يشرب عند التمساح
و التمساح بيعيش فى المية
و السمك بيعيش وياه
هى المية بتاعته لوحده
دى المية من عند الله
احنا مسلمين
و موحدين
صلى الدين لله
و أدفع الزكاة
صوم رمضان كريم
حج بيت الله
الله عليك الله
********************
أركان الاسلام خمسة فاكرينهم و لا يمكن ننسى
الأولى هى الشهادة و التانية هى الصلاة
و التالتة هى الزكاة و الرابعة صوم رمضان
و الخامسة حج البيت لمن استطاع اليه سبيلا
********************
أصحى الصبح فى البدرية
أغسل وشى بعد ايديا
آكل جبنة و لا مربى
أشرب شاى حبة حبة
********************
بالمية و الصابون أغسل ايديا دول
بالفرشاة و المعجون أغسل سنانى دول
دى النظافة حلوة و جاية من الايمان
و الكل يحبها بنات و صبيان
********************
الصدق فضيلة جميلة و الذب دة عكس الصدق
كلنا نحب الصادق أما اللى ي�
ساحة النقاش