الشاعر المبدع//مصطفى محمود ابو ابراهيم

كلمه نقولها بعلو الصوت

مصر حبيبتى مش هاتموت

بكره أهو جى هايبنى بيوت

شمسها راجعه ومش هاتفوت

غير ع الحر وعالى الصوت

اللى بيوصف مصر ياقوت

ويقول مصر بحبك موت

صوتك يومك أيوه اختار

وإبعد عن كل الاشرار

واوعى تسمع للمكار

مصر حبيبتك لسه فى نار

تعبت ليل نفسها فى نهار

نفسها تسكن تضل التوت

وكلمه نقولها بعلو الصوت

مصر حبيبتى مش هاتموت

صوت غالى يامصرى صحيح

اختار واحد اصله مليح

بيخاف ربه وحكمه صريح

ولا بيفرق بين الناس

شد الحيل يامصر خلاص

أصل مقامك فوق الراس

ياما بكينا بكل إحساس

وعمر كرامتك ماهاتنداس

دا الفلاح ومعاه الفاس

شايفه التلميذ والكراس

وكمان عامل رافع الراس

حلفو يامصر تكونى أساس

ترجعى طاهره وست الناس

وأصرخ إبكى بعلو الصوت

أيوه يابلدى بحبك مووت

مش هاتنازل ولا هاخون

صوتى للحر اللى يصون

ولا لحرامى سارق القوت

هاصرخ وأصرخ بكل الصوت

أيوه ياروحى بحبك مووووت

ويوم الظالم مش هايفوت

آخره محاكمه يموت ف تابوت

مصر يابلدى نعيش ونموت

وصوتنا يغنى يحبك مووت

أيــــوه يابلدى بحبك موت

الشاعر المبدع//مصطفى محمود ابو ابراهيم