جارى التحميل
استخدم زر ESC أو رجوع للعودة
الكاتب //امير هلال//لحد امتى يا ميدان هتفضل مكاننا الوحيد
لحد امتى يا ميدان هتفضل مكاننا الوحيد
نجيلك نشتكيلك من قريب ومن بعيد
نشكيلك الحال ونوصفلك الاحوال
ونرتمى فى حضنك من جديد
يا ميدان واسع حاضن جواك مليون
ميدان النصر انت املنا الوحيد
قول لمصر امنا ما تبعديش عن الحلم
الحلم اللى عشانه شوف مات كام شهيد
يا ميدان هتفضل النبض والصوت
هتفضل سلاحنا ضد كل عنيد
كل لما اجيلك فى زياره ببقى جاى بشتكى
نفسى يا ميدان ازورك مره سعيد
يا ميدان ضاع حقنا وسال دمنا
انت شاهد علينا احكى يا ميدان قول وزيد
لو التاريخ مش راح يحكى عن ثوره شباب
انت اولى بالحكايه انت الشاهد الوحيد
حبيتك يا ميدان عشان جواك شجعان
قالو للظلم لاْ قالوها وهيقولوها من تانى اكيد
لحد امتى يا ميدان هنفضل بحقوقنا نطالب
ولحد امتى هيفضل العدل غايب شريد
لحد امتى يا ميدان هتفضل مكاننا الوحيد
نجيلك نشتكيلك من قريب ومن بعيد
كلماتى /امير هلال
المصدر: امير هلال
المبدعــــون الشبــــاب//للشاعر صابر الطوخى
