أسنانى اللبنية{للأطفال}
*****
زجل الدكتورصبرى إسماعيل
*****
أسنانى اللبنية الحلوة-------فى عددها تمّت عشرين

من فوق عشرة وتحت مثيلها-زىّ اللولى على الصفين

أمّا اسنانى الدايمة بتبدأ------تِطلع عند الست سِنين
ِتنزل واحدة وتِطلع واحدة-------زىّ جميع البنى أدمين

ويزيدوا كام ضرس زيادة-------يبقوا اتنين فوق
التلاتين

قبل وبعد النوم باغسلها---------بالمعجون زىّ الحلوين

بعد الأكل كمان باغسلها -------يِحفظنى رب العالمين

دموع الُيتم
*****
أشعار الدكتور صبرىإسماعيل
****

ولد وبنت صغيّرين

شايلين ف إيدهم حِلمُهم


متبسّمين, مترسّمين

والفرحة مالية قلبهم

فى عيونُه كان الحِلم نفس الحِلم

اللّى بنحلمُه

فى عيونها كان نفس السؤال

اللّى احنا برضه ب نسأله

نفس الدُعاء فى الفجرب بنِأمِنّ عليه

نفس الرجاء من رب نتوسّل إليه

يرجع ل حُضنك ياعرب مسرى النبى

ويفكّ أسر القدس والأقصى الأبى

نفس المحبة لاهل بدر المُخلصين

نفس الفرح فى ذكرى فتح المؤمنين

نفس الآلام نفس الدموع

من صرخة الأقصى الحزين

والحِلم كان مفروض يكون

دانة فى صدر المعتدين

الاِتنين صِغار

لكن همومنا همّهم

هُمّ الشِعار

ورب واحد بالأمل بيضمّهم

شافوا دموع اليُتم تِجرى ع الشاشات

عانوا جنون الظُلم فوق الدبابات

شافوا بحور الدم تِجرى مزلزلة

وعيون وِلادنا فى السجون متسلسلة

إتعلمّوا جوّه الفُصول

إن الشيطان كافر وعزمه شديد

وانّ اللّى سارق أرِضنا

عدوّنا العربيد

قام الولد يتهجّى فى الأسماء

والبنت شاغل سِنّها حروف الهِجاء

ألف ,, باء , ألفين رجاء

فجأة غراب الشوم مبحلق فى الفضاء

جاى بالوباء

وبتفجيراته اتحوّلوا أشلاء

واخبار حزينة بِتجرى فى الأنباء

والدنيا لوّنّها السواد

لابسة الحِداد

والدمّ سال يِجرى بغضب

يسأل ضميرنا عن السبب

ليه يارصاص الغدر غاوى الإنتحار

ليه يارصاص الأهل يتمّت الدِيار

ماخوّفك صوت الآذان

ولا هزّ فيك الذِكر فى القرآن

حاطط إيديك فى إيدين أعادى أمتى

صهيون وغول الغرب والشيطان

صهيون وغول الغرب والشيطان

ليله حلوه{أغنية}
******

أشعار الدكتورصبرى إسماعيل
*****

فى ليله حِلوه كانت ليله ----ما شـفت من قبلها ليله

سِمعت فيها أحلى الكلام, وهمس كلّه غرام فى غرام


وسعادتى ما اقدر أوصفها---- دهىّ ليلة ولا فى الأحلام

********

فيها اتقـابلنا لوحدينا وبدون عُــزّال

والمـوج بتِجرى حوالينا بغرور ودلال

وقلبى زادت دقاته

علشان حبيبى اللى رجع لى وبدينا وصا ل

********

فى ليله كان بدرها زايد ف ضياه نشوان

ونجوم بترقص حوالينا والليل فرحان

حتى الشجر علشانا اِخضّر

وطيورها حطّت حوالينا بسكون وأمان

**********

لقيت إيدينك يا حبيبى ما سـكه إ يديه

وفى ليله شفتك بعيونى يا أغلى هـديه

وسرحت وف بحر عيونك

أجمل عـيون فى الكـون هـيه

********

دايماّ باحـبك لـِيه تقول

وتضـمّنى وده له مـدلول

دانا مهما لفّيت ا لدنيا

مقدرش أبداّ على بعـدك وعـيونك دول

*********

يا حبيبى حلِمك فى عـيونى

ريْحت قلبى وشِجونى

دا هى ليلة كانت ليلة

غيّرت عمرى ومضمونى
أحببتك ياسيّدتى
****

أشعار الدكتور صبرى إسماعيل
****

أحببتك ياسيّدتى

من دون نساء العالم


وكأنّى أحاول كسرَ قيودِ الأحزان

أحببتك قمراً فى سمائى

واحببتك لحناً أروع من كل الألحان

أحببتك حُلماً قد يبدو من مسٌ الجان

أحببتك يا بنت السلطان

فدعينى ياسيدتى أحلم

فالحُلم طريقٌ أوحدُ للظمآن

ودعينى ياسيدتى أرسم

فأنا أصبحتُ بكل السحرِ الرابض فى عينيكى

أكبر فنّان

وكذا أصبحتُ أشدّ رحالى

على خِصلات الشعرِ الأسودِ كالفرسان

من غَيرُك كان يعلمنى؟

كيف البسمات

بل كيف الصمت الكامنِ فى الأحزان

ويعلّم قلبى كيف يكون الشوق

رسولاً يتردد بين الشطّآن
********
من كان سِواك يعلم قلبى

كيف يدقّ وكيف يَثور

وكيف يُداعب كالأهواء

من كان سِواكِ يُعلّمنى

كيف الإبحار فى وسطِ الموجِ الهادرِ والأنواء

من كان سِواك يُعَلّمنى

كل الكلماتِ المجنونةِ واللحن الخالِد والإنشاء

أحببتك ياسيدتى

فدعينى أحُبك دون قيودٍ

دون وعودٍ دون إستثناء

فدعينى أحُبك وإلاّ يموت الحب

وتهوى الذكرى

وتنتحرُ الأسماء