حوشى الدموع يا امّه
******
زجل الدكتور صبرى إسماعيل
*****
حوشى الدموع يا امّه-----إوعى تسيبيها

تحفر على خدودك---------ذكرى معانيها

تشكى لرب الكون---------سبحانه باريها

بعد السهر وسنين---------وانتى بتبنيها

حِلمك وحلم الناس--------واحنا سواريها

يامنّك الإحساس-----------لافف سواقيها

أمى غلبنى الشوق---0-ودموعى شوفيها

ضمّينى فى حضنك------ وضلوعى دفّيها

خير الشهادة بان ----------واحنا بعاليها

لمّا رصاص الغدر-----------موّت أمانيها

بعدى أنا فرسان----------حتماً هتحميها

يبقى الهرم بركان ------–ع اللّى يعاديها