الكاتب//احمد منصور...ابكى ياابو الهول

ابكي ياابو الهول

خلي  دموعك

تصرخ تقول

أوعي يامصر

يضيع النصر

وترجعي تاني الفلول

حرام عليكو يامصريين

ليه للظلم تاني راجعين

انتم خدتوا علي الفساد

هان عليكوا دم الولاد

ما محمد كان اخو ميلاد

ليه دلوقتي مختلفين

ولصالح مين

وجعتوا قلبي حرام عليكو

ليه عايزين ترجعوا تاني

للنظام الاولاني

انتو خلاص مش فاكرين

اللي راحوا في التحرير

عشان يطالبوا بالتغيير

وانتو كمان ناسيين يانصاري

دم ولدكم في ماسبيرو

ياخسارة عليكم ألف خسارة

كنت مستنيكم تغِيروا

علي دم مينا وألا بشارة

آآآآآآآآآآآآآآآه  يامصر

مش قادر أتحمل أني أشوفك

وأنت بتموتي بخوفك

لولادك تاني يسلموكِ

للي كانوا بيخونكِ

للي باعوكِ ... دمروكِ

يارتني اقدر يامصر ارجع

عشان أرد لك جميلك

مافيش في أيدي غير أني ادمع

لما دموعي تملا نيلك

حاسس يامصر بالوجع

مش مصدق

انك علي ولادك تهوني

ياريتني اقدر امسك سلاح

وأدافع عنك لو بعيوني

ياولااااااااااااااااااااد مصر

قوموا بقي الحقوها

ياولاااااااااااااااد مصر

اوعي تاني ترجعوها

ياولاااااااااااااااااااد مصر

اشتروها ماتبيعوها

ياولااااااااااااااااااااد مصر

أوعوا الفلول هيضيعوها

الكاتب//احمد منصور