جارى التحميل
استخدم زر ESC أو رجوع للعودة
صابر الطوخى لما كبيرنا يبقى فاسد
لما كبيرنا يبقى فاسد صغرنا يعمل اية
ولما حميها يبقى حرميها ميتحكمش لية
دللى بيسرق رغيف بتتقطع ادية
فين العدل راح ياكل باشا وكل بييية
نقول الله يرحمة ولا يحسن الية
ولا نبكى على ولدنا ولا نبكى علية
ولا لسة الحق صاحى واحنا اللى بنموت فية
ولا يمكن تاية وبندووووور علية..
ولا يمكن مات بطلقة مابين عنية
ولاجايز فى ناس لها مصلحة تدارية
ادام عنيكوا خير بلدنا اتنهب وضاع
ونهار اقتصاد الدولة والكل لة اطماع
ياكبرنا اصحى بقى مصر فى ضياع
الثورة ليها حق ونرجوا الانصياع
خلينا فى اللى جاى وعالج الاوجاع
متحاكم الفلول وتنضف الديول..والعملا والاتباع
بيكفى عليهم غش وهبش وخداع
ووشوش كلها زيف مشية بألف قناع
رفعت ايدك بدرى وعظمت الشهيد
باكتنا من قلوبنا ومن دم الوريد
وقلنا هنبدء عصر ان شاء الله جديد
وهانقف ايد وحدة والعزم هيبقى حديد
ياكبرنا كفاية كدا وطفى نار بتئيد
سنة ونص ياهوووو الزاى ميتحكمش
الزاى بعد اللى عملة فى شبابناميندمش
ولا هنرجع نقول احنا مبنتعلمش
وهتحكمنا الفلول تانى والزاى منتألمش
كفاية كدا دمار كفاية كدا خراب
ورحمنا يا كبيرنا من مخالب الدياب
دا الشعب من قسوتهم من بدرى شعرة شاب
خايفين لا تيجى لحظة يخلص العتاب
واللى يقول الحق ميكنش لة مناب
كفاية كدا ولعة كفاية كدا نار
دا الشعب قاسى كتير وولادة بتتجرع مرار
هو احنا مش من حقنا التعبير
ومن حقنا نقول نعم ولاء ونحدد المصير
وننتخب رئسنا ونطالب بالتغيير
ولا هنفضل طول عمرنا مسخ وطراطير
ولا كان كلام ورقص وطبل ومزامير
وانتهت الحفلة مليان دم بحلم قاسى مرير
كفاية كدا ركوب فى الحنطور
شبابنا مااااااااتووو فى عمر الزهور
متسألنيش اسئل كل ميدان فى مصر
طالب بالتغيير..مش
مصدقنى اسئل دم ولادنا فى التحرير
صابر الطوخى..
المصدر: sabertwky
المبدعــــون الشبــــاب//للشاعر صابر الطوخى
