مصطفى محمود أبو إبراهيم
فى حضرة المحبوب
ندعى نقول الله
فى مولدك يا نبى
نبكى نقول الآه
يارب إشفى مصر
تعبانه يا ولداه
وفى حضرة المحبوب
نقولها مدويه
عدت سنه يارب
على ثوره شعبيه
فيها اللى مات وإدفن
وشبعنا آسيه
والحق غايب ليه
دا الجرح فى عنيا
وفى حضرة المحبوب
ندعى بكل أمان
ناس كتير إتعمت
م الضرب فى المليان
ومؤامره كل يوم
من كل ظالم خان
وقفنا نصرخ وندعى
ونقول فى كل ميدان
يامصر إنتِ الدرب
وأخرته بستان
وفى حضرة المحبوب
نقول صباح النصر
يامصر إنتِ البلد
إنتِ الصباح والعصر
والحر فينا وهب
ذاته لبلده مصر
وفى حضرة المحبوب
أكتب بلون هادى
يا مصر إنتِ الروح
وعنيا وفؤادى
يارب تحفظ مصر
وتكون عليها راضى
وفى حضرة المحبوب
بنقولها صابرين
مصونه ست الكل
لحد يوم الدين
أرض الكنانه مصر
ربى عليها آمين
//الشاعر الكبير//مصطفى محمود ابو ابراهيم-