جارى التحميل
استخدم زر ESC أو رجوع للعودة
يا شعب مصر-----زجل الدكتور صبرىإسماعيل
********
ياشعب مصر الأبّى------ياصانع الحضارات
وصّى علينا النبى—--وعيسى فى الرسالات
فى الشدّة ماأروعك-------ياما عانيت أزمات
فى الحرب ما أشجعك----كل التاريخ بطولات
فى السلم أروع وطن---بازها وزويل علامات
شاهد علينا الزمن---------ياما اتولد هامات
إزرع يامصرى الأمل------وارفع لنا الرايات
وابنى الوطن بالعمل----فوق الورود بسمات
صرخة مصرية----زجل دكتور صبرى إسماعيل
*********
اللى بيعبد ربّه بجد------عمره فى يوم مايخرّب فيها
يبقى ساريها وأكبر سدّ----ويكون دِرع يحاجى عليها
لا يخوّفها ولا يرعبها-----------لايزعّلها ولا يبكّيها
مايكون عيبها مايكون ديبها-----لا يجهّلها
ولا يفنيها
لمّا بتكبر يرحم شيبها--------والأهرام بعينيه يحميها
مصرى بجد وهوّحبيبها------هوّ الميّة اللى هترويها
مصرى بكل نسيم تكوينه----ومفيش فرق الكلّ بانيها
عيسى وموسى وسيدى خليله----ونبيّنا وصّانا عليها
مصرحضارة الكون ودليله---ربّك هوّ اللى هايحميها
**********************************
لحم الحمار ونار السوق{ساخر}----كتبتها 2010
------
بقلم الدكتور صبرى إسماعيل
******
نزلت السوقَ ألتمسُ التسوقَ----وأشترىَ الطماطم والخضار
وربع الكيلو مـن فولٍِ تدلل---------ويأبى أن يزورهم الصغار
ويأبى أن يعانق سندوتشاً--------وأن يوماً يشرّفها البصارة
وأرغفةً ثلاثة أبتغيها-----------من المدعومِ محبوبى سمارة
وبعض اللحمِ كى أصنع حساءاً---يقوّى الظهرَ ويُزيد الحرارة
سألت البائعينَ فكان رداً------- أسال الدمعَ من عينى مرارة
تضاعف سعرُها كل اللوازم------ وجنّ جنونها زادت سُعارا
فلا خبزى أناله من طابورٍٍِ--------طويلٍ مرهقٍ يالا الخسارة
وع الشاشات نصبٌ مستفزٌ------بلاصقةٍ ومورنجا وغارة
وحتى اللحم عنوان الرقىِ------------وكنّا نغازله ليلاً
نهارا
فحوله الخسيس إلى خليطٍ-------من الأشياء ولحوم الحمار
لو كُنت ابنها---شعر دكتورصبرىإسماعيل
*****
لو كُنت ياصاحبى صحيح بتحبّها
مرسوم على قلبك خريطة شعبها-----وانت ابنها
لو مرة سالت دمعِتك---------أو هزّ قلبك حُزنها
لو كنت عايش بالأمل ------إنّك يضمَك حُضنها
وبيجرى نهر النيل فى دمّك----معدنك من قمحها
إيدك بتزرع باليمين----------والتانية تِدفع عنّها
لو كُنت ياصاحبى, صحيح بتحبّها
يلاّ نِعمّر أرضها--نزرع غيطانها بالأمل ونلمّها
نبنى المصانع للعريش------وسينا تطلع شمسها
والأهرامات تِطلع ل فوق---تبقى المنارة وضِلّها
خلّى النهار يحيى الصدور--ماهو كُلّنا يبقى ابنها
ماتحرق المبنى البرئ—-ولا يوم ب شرّ تِمسّها
أو تِبقى مرة حِكمتك--------دانة تدمّر صدرها
مهما تدوّر أو تدور---أبداً ماتِلقى زيّها
أبداً ماتِلقى زيها
ناس وناس----زجل دكتور صبرى إسماعيل
***
فيه ناس بتنتج زرع----وناس بتنتج كلام
وناس عرقها أمل------وناس عرقها آلام
وناس تصارع موج-------ويرزق العلاّم
وناس بتنتج فزع-----------بيهدد الأحلام
وناس كلامها وجع--------يهدم وهىّ تنام
وناس دموعها ندم-----مع كل دمعه سلام
وناس دموعها صنم--عمر الصنم يتلام؟!!
بحب بلدى
*****
بقلم دكتور صبرى إسماعيل
******
بحب بلدى وأهلها لأنها
نيلنا اللى جارى فى دمّها
هىّ التاريخ هى الأمل
والمصرى يمسح دمعها من خدّها
*****
وبحبها لمّا السادات نده العبور
ورجال بتبنى حلمها فوق الجسور
أبطالها تحمى أرضها بدمّها
واللى بيدفع عنّها كل الشرور
*****
وبحبها وسط المزارع فلاحين
وبحبها عمّال وكل الشقيانين
وبحبها كلمة تضلل ع الوطن
وبحبها كتّاب وفكر ومبدعين
*****
وبحبها صوت السواقى والترع
وبحبها فلاح فى أرضه بينزرع
وبحبها صوت المدافع فى السحور
وبحبها ف زويل و أى مخترع
******
وبحبها أبطال بترجع بالكئوس
وبحبها صحفى بيفضح ف اللصوص
وبحبها رغم الخوارج والنشاز
بكل قـوّة نصدّهم فيهم ندوس
******
وبحبها فرحة عيالها وأهلها
وبحبها زهر وورود على خدّها
وبحبها لحظة أمان بتضمّها
وشباب بكل الحِكمة زيّن ارضها
*******
وباحبها واحة بتعلى بالكِتاب
وباحبها كيميا وجبر مع الحساب
وباحبها من غير مايحرق أو يهِدّ
إبليسُها- والعِلم يوصل ل السحاب
المبدعــــون الشبــــاب//للشاعر صابر الطوخى
