‏

فاكرة الوعد....تامر سليم


فاكرة الحلم وفاكرة الوعد ....


أننا يوم ما هنقدر على البعد ...


وان هيفضل دايما بينا الود ....


ولا هيفصلنا لا جواب ولا رد ....



ايوة نسينا .... كل ما لينا .....


حتى نسينا أغلى أمانينا ....


نسينا الضخكة والعنوان ....


عشقنا الضلمة والأحزان ....


بعنا الحب فى كل مكان ....


كل ما نجرى بعيد ....


نقول ياله كمان .....


كانت راسك بين دراعاتى ...


دايما ساكنة بين خلجاتى ...


كنت النبض أنتِ لحياتى ......


كنت السر فى ملكوتى ....


كنتِ كلامى وحتى سكوتى ...


كنت حياتى .... وإتمنيتك موتى ...


شفتِ أزاى خنا كتير .....


أزاى حصل بينا التغيير ....


معدش فاضل بين كبير ...


غير الحزن وصدمة قلب ....


معدش زى ما هو فينا الحب ...


عشقنا فى لحظة ما بينا داب ....


كان لما الشمس طلعت ...


بقى خيال كداب ....


وماسابش وراه غير كل عذاب ...


بعد ما كان كل الحب ...


محتار ومش لاقى أى جواب ....


حتى مش ناوى أى عتاب .....


بس نفسي أجاوب روحى ...


يمكن تهدأ فىّ جروحى ....


لما الكل مقدرش علينا ....


أزاى احنا نهيناه بأيدينا ....


ازاى بقت كل القسوة دى فينا ...


وننسي اننا كنا فى يوم أحباب ...


نبقى دلوقتى زى الأغراب .....تامر سليم