هوجة البلدية{المياه أغرقت الشارع ولم يهتم أحد}
******
شعر الدكتور صبرىإسماعيل
*****
لسّاكى آسية يابلادى عليّا
دربِك حياتى هوجة البلدية
آخر المحبّة دوخة ع الميّة
وانا اللى عاشقك فى 200 أغنية
******
شاعر بقلبِك والقلم بينادى
والكِلمة مدفع ع اللى ليكى يعادى
دا الحب طبعى وانتى بايعانى
لاعبين فى قلبك وِلد جنيّة
******
إن حُزن صابك قلمى يبكيكى
خلّى وِلادك يسكنوا عنيكى
طب ليه بتإسى ياام نهر النيل
راضية وسكوتك عندهم غِيّة
******
قلنا خُلصنا والخلاص بميدان
يشهد شبابك واللّى ثار غضبان
والعقل يبقى هو عنوانى
أتاريكى لازمك ألف مرثية
ستة غلب خمسة{انتصار اكتوبر العظيم}
******
شعر الدكتور صبرى إسماعيل
*****
مصر اللى داقت مرارة الحزن فى النكسة
والدم عاتب رمال الضفة بالهمسة
مصر اللى يوسف بقدرة ربه عدّاها
من جور عزيزها و ترابها مابكت خمسة
*****
خمسة اللى جالنا ب شرّ الدنيا والألاعيب
مفكّر ان البلد عنزة وهو الديب
حلفت ل يوم تغلبك وتهرّبك خمسة
وفوق رايات الوطن تِعلى وخمسة تخيب
*****
كات صرخة ابن البلد دانة فى صدر إيلات
نالت جزاء غدرها واتحولت ل رفات
ثارت لبحر البقر وابو زعبل المجروح
ودم يحيى الوطن----- ما يفهمّه الأموات!
****
دم الشهيد انفعل ينده ليوم ستة
والناس ملاها أمل بس الطريق خطة
يادم سايل على جبلك ياسينا بحور
ماتيجى ياابن البلد وتعدّل الخارطة
****
الله أكبر رمى غضبه على العدوان
كانوا دروع رجعتّ عزّ الوطن فرسان
حتى القنال زغردت فارده جناحاتها
لعبور نشاما وصدر مدعّمه الإيمان
****
والدبابات زمجرت هجمت على بارليف
ترمى الكلاب ترتجف تِمحى سنين الزيف
والرملة من فرحها هاجت على صهيون
يابدر عودى اقطعى راس الفساد بالسيف
****
وسينا متزينة غنت بكل لسان
وفرحة بتلمّنا وزّعها نيل إنسان
وبلدى متحررة متصدرة الأخبار
بأكتوبر الملحمة والدم والفرسان 
حسناء
*****
شعر الدكتور صبرى إسماعيل
*****
حسناءُ فاتنتى وسيدتى وأنغامى
حسناءُ أعرفها وتعرفنى بأقلامى
فى الليلِ تهمسُ لى وترسمنى بأحلامى
تُهدينى أشرعتى وأجوبتى وأعلامى
******
إن قُلتها قالت وزان البدرُ أيّامى
من حُسنها جارت على دقاتى أنسامى
ضحكاتُها لحنٌ وأنوارٌ وإلهامى
أحلامُها نبأٌ يداوى كلّ آلامى
******
كالموجِ يدفعنى ويلهمنى ويرعانى
كالنيلِ أعشقه ويعشقنى ويهوانى
كالنور فى عينى وفى قلبى وأجفانى
حسناءُ دنيايا ودفئ الحبِ بزمانى
فكّوا إيدين الشمس
******
زجل الدكتور صبرى إسماعيل
****
فكّوا إيدين الشمس ---–واخلو لها الطريق
خلّوا شعاعها يسير----على الدرب البرئ
يرسم على الأرض العمار—وقلوب تضئ
ونروح لبكرة بحلمنا---------راقى وبرئ
*******
ونغوص فى قلب البحر-----نطلع بالعمار
ويولّى ليل الظلم------------ننعم بالنهار
ويكون شعارنا كلّنا---------—لا للدمار
والراية تهتف زيّنا------------بالإزدهار
*******
ويكون ولاءنا كلّنا --------لمصر الهرم
واللى دموعها تهزّنا-----------أم الكرم
ربى يارافع مصرنا----------فوق القمم
جمّع قلوبنا كلّنا ------------حول العلم 
طبيب مكلول-----{الأطباء قلة أغنياء وأغلبية معاناة}
******
زجل الدكتور صبرى إسماعيل
******
بنيت الحِلم فى صبايا-------مابين العِلم والمجهول
وقلت احلم جايز بُكره------يجينى برضه بالمأمول
واعيش الدنيا متهنّى-----لا انا مطاطى ولا مخذول
لقيت التوهة واخدانى------لا انا فايق ولا مسطول
قليلنا بحلمهم طاروا-----------وأغلبنا أمل مشلول
فى سوق الدنيا يحتاروا------وجهد بعمرهم مبذول
سنين تشهد على نضالى--سواد ليلى وشمس تقول
فى عِزّ الحرّ ثار عرقى--------وغرّقنى كأنّه سيول
فى عزّ البرد بنتكتك--------- وبنكافح بطبق الفول
فى زنزانتى مع كتابى—-----وعام البهدلة بيطول
وبيه تجرى سنين عمرى--أهى ولّت وانا المسئول
أنا الجاثم على صدرى-----همومى وزلزلات القول
أنا النابغ ودا ذنبى----------ويظلمنى كتير مخلول
أنا الباحث وعن شقة------وعن هِدمة وزى دوول
وقلبى دق كام دقّة------------ولايرحم آسايا غول
أنا الماسح على جروحكم—-وجرحى بالألم مغلول
أنا الساهر باداويكم---------وبامسح دمعكم بالقول
هزمنى وانهزم فيّا----------وراحت بسمتى يازول
آلامى بصدرى وعينيّه----وحتى الكِبد صار مهبول
ومين فيكم يداوينى—------ويمسح دمعة المكلول
وأبنى دنيتى ودينى---------وأبقى بعدلكم مشمول
