حكيم زجّال
أشعار الدكتور /صبرى إسماعيل
******
قالوا لى يوم والحّوا فى الطلب بسؤال

هل انت حكيم فى مستشفى وطبيب أطفال

ام انت عاشق الكلمة وفى دروب الكلام جوّال

فقلت حكيم وسمّاعتى فى إيدى مثال

و انا هاوى وباعشق حــبّى للموال

باحب الصدق فى الكلمة واجسّمها كما المثّال

ساعات الحزن يجرحنى فى وسط الغربة والتِرحال

ساعات الخوف بيقتلنى كطفلٍ تاه فى الأدغال

وتطلع كلمتين منّى تكون عاصفة تكون زلزال

فى لحظة ابكى على نفسى وسوء الحظ والأحوال

فى لحظة افرح وينعشنى الهوى الميّال

ويوم ارتاح واحـس بآه وضعف يهدّ فى الأوصال

ويوم تانى أكون فارس شديد خيّال

ويوم الدمعة تِغلبنى وتنزل ع الخدود سيّال

ويوم الضحكة ترمـينى وم الفرحة يمين وشمال

واشارك نفسـى فرحتها بلا إذلال

ودوم اجلس مع نفـسى وأنظر للسـما بإجلال

ولنجومها وزينتها وخلق عظيم وكلّه جمال

ساعات اكتب كلام فارغ مالوش معنى ولا كيّال

ساعات تانيه أصوغ جملة تهد جبال

ساعات اكتب عن العشـّاق عن العزّال

ساعــات أكتب عن الثورة وعن الأجيال

وعن صدمات تهزّ الكون وعن الاهوال

وعن شارون وعن ظُـُلمه لِنا بإذلال

ولا فجرّت يوم بلدى ولا عمرى هاكون قتّال

ولا سممت يوم نيلها وجِبت السِم م الأدغال

ولا برجلت فى علومها وحتّى باكره الدجّال

فانا إنسان أعـيش يومى وكلّى آمال

واصلّى وانام واكل رزقى حلال فى حلال

لكنّّىّ فى كل أحوالى عاشق للكلمة والموّال

بحبّك زىّ

****

شعرالدكتورصبرى إسماعيل

*****

بحبّك زىّ موج البحر فى جماله

واحبك زىصمت الليل واحواله

واحبك زى نسمة شوق بتهدينى

حياة قلبى وسحر الحب ودلاله

****

واحبّك زى نور الشمس تِرمينى

بنورحبىّ ودفئ الخير وسنينى

واحبّك فى نجوم الليل تنادينى

قوام افرح دا قمرالدنيا فى يمينى

****

واحبِك زى امانينا بتتحقق

وزى كلام عن العُشاق ولا أروق

وعن ماضى وعن ذِكرى وعن أحلام

وعن بكره يطير بينا لدنيا حبها أصدق

****

واحبك امّ جوّايا وعشّ حنان

واحبك بحر ما يغرقّ وبر أمان

واحبك ميه من نهرك بتروينى

واحبك حضن بيعوّض ضنا الحرمان

****

واحبك أحلى أغنية أغنيها

واحبك كلمة ف اشعارى وأرويها

واحبك تبقى عنوانى وأحزانى

وكلمة حب لاهل الدنيا نهديها

كونى لى
****
أشعارالدكتورصبرى إسماعيل
***

كونى لى وحدى أكون

قلباً يهواكى بجنون

أو مرة ثورى تمردّى

ودعـينى أرحل فى سكون
*****
كونى لى


رفقاّ بقلبى وأضلعى


وكفانى قسوتك التى


أ بداّ ما رحمت أدمعى


كونى وإلاّ لن أكون


وعلى يديكى يكون قدرى ومَصرعى
*****

يا صبيةً ًًمن بين ألاف النساء


أحببتها منذ البداية فى لقاء


لا تجعلى الإعصارَ يِسرق حُبَنا


أويلعـب بقلبى كيف شاء
***
لاتتركينى هائماّ


للشك واطياف الظنون


ومُـْري قيودك أن تغادرمِعصمي


وتداوى أحزانى وشجون


فلقد سئمت الأن حباّ


قد رمى قلبى بجنون


فأنا لغيراليأس أبداّ لن أكون


كونى لى وحدى أكون

بابايا {للأطفال}

*****

أشعارالدكتورصبرى إسماعيل

*******

صباح الخيــــــر يابابايا

ياأحلى كلمه جوّايا

بارددها واقول فيها

فى ليلى وصبحى ومِسايا

*****

معاك نمشى خطاوينا

تعلمنا بكل لسان تربّينا

وإن منّا فى يوم تَعبان

قوام بتقوم تداوينا

**********

بنكبر وانت ترعانا

بنبنى احلى أحلامنا

وانت بتبنى ويانا

بنسمع ضحكتك نفرح

تدق قـلوبنا جِوّانا

نقـوم نجرى نعود نرتاح

عـلى صدرك يا بابانا

*********

يا منحه من إله الكون

وإسمك نعشقه بجنون

بندعـى ربنا يصونك

كما لينِا دايم بتصون

ودايمانحتمى بحضـنك

ياخير ربى وصدر حنون

**********

إيديك تمسح عـبراتى

تقّوينى وتبنينى أنا وذاتى

إيمان يشـتدّ فى الشدة

وعـزم بقوة ما يطاطى