الروائى والكاتب السياسى د//محمد البكرى مبهور انا يامصر

مبهور أنا يا مصر

بالخباثة واللؤم اللى فيكى

خايف عليكى يابلدى

من الكره اللى

ماليكى

شدوكى على الفلكة

زمان وسكتى !

وقامت ف- ارضك ثورة

زغردتى وفرحتى

-----------------------------

يومها قلت بلدى خلاص

هتعرف تجيب الحق

من بين نياب الديابة!

طلعتى يا بلدى بتنخدعى

لأبو حمالات وطبلة وربابة !

ومعاه ف- الزريبة ساويرس

ووائل الإبراشى وابو حامد

عايزين يهدوكى من تانى

وانت تاج الأمم !

بيدمروا ناسك وعايزنهم

يرجعوا شوية رمم !

-------------------------------

بيقولولنا ثورة جديدة هتقوم

يوم اربعة وعشرين

ولقيتنى بسأل

بعد ما عقلى انخلع

ماشى ف- حواريك تايه

وقلبى انوجع

هو الحر يسعى للعبودية

ويدور عليها بالمنكاش !

ولا لما تفك جنازيره

بغيرها ما يرضاش !

وتقول له ارفع راسك يا أخى

يقول لك يا طاطى يا إما بلاش!

-----------------------------------

نفسى أعرف

مين اللى مرض الناس !!!

نفسى أفهم

ليه شعبك مش كامل الاحساس !!!

أيه اللى عجبك يابلدى

ف- الوساخة وقلة القيمة !!!

دا الحر بيغير على لحمه !!!

مش يسيبه لكلب

هيعزم عليه بنى صهيون

ويشويهلهم على فحمه !

---------------------------------

هو انت خلاص

مخك لسع يا مصر

ولا شايفه ف- الدنيا

اى شئ مفيد !

دول هيبيعوكى خردة ..

يابلدى صفيح مصدى وحديد !

ولا انت لسة يامصر

عيزانى اتنفض من جديد!

الخونه دول لسه ما شبعوش

من دم اولادك

دراكيولا صحى فيهم

مستنى يشرب من دم أحفادك !

-------------------------------------

حمار مين ده

اللى هيصونك

ويحافظ على عرضك !

دول من زمان يابلدى

بيكرهوا أرضك !

بأمارة أيه يستلموا

إعلام البلد !

هو فيه ندل وجاسوس

بيخلف لأرضه ولد ؟

مش هى دى أرضنا

اللى ورثناها عن جدنا !

واللى حلمنا ف- يوم

تكون لاولادنا من بعدنا

هتسلميها من تانى

للى نهبوها !

حرام عليكى يا ست

من النهار ده خلاص

مش هقول يا أمى

امشى ف- طريقك لوحد

وسيبينى فى همى !!!!!!