الشاعر الكبير//مصطفى محمود ابو ابراهيم//هى ضلمت لية

هى ليه ضلمت

وأتحررت وإتنيلت

كل الأمانى إتهربت

حريه ليه طب زى إيه

إنبوبة غاز وإتسربت

مالها ليه إتغيرت

والثوره ليه إتبدلت

بهدوم قديمه إتكست

وكسكست

مضروبه أيوه إتبهدلت

سرقة بلد حتى الولد

والأرض أيوه إتكلمت

صرخه كبيره أتألمت

ومالها ليه ضلمت

راحت إشتكت

القاضى قال:

لعبة عيال وإتنست

ومصر عزبه ملكهم

من بعدهم

ورث يروح لإبنهم

حتى الإقامة إتحددت

هى ليه ضلمت

الشرط كان

لعبه وخلصت وإنتهت

وفيلم يدخل مهرجان

والشعب يصبح ترجمان

حتى الخسيس

حتى الجبان

الكل يبأه بتاع كلام

واللى بيصرخ ف الميدان

مقتول لأنه صان ما خان

والمهرجان أيام وكان

واللعبه أيوه إتفبركت

طب قولى ليه ...ليه ضلمت

كداب وسارق الفرح

النخله وقعت بالبلح

حتى الأمانى إتسرطنت

ضحكو وقالوا إتزينت

دا حتى قالوا اتكحلت

رجعوا قالولنا دى إتعمت

وعيون بكت وإتعذبت

علشان كده ضلمت

عرفتو ليه ضلمت ؟؟