جارى التحميل
استخدم زر ESC أو رجوع للعودة
حكاية حب
حبيبتى انسانة جميلة
من جواها فعلا اصيلة
نفسي اقول حكايتها
من بدايتها لنهايتها
تسمعوا الحكاية ؟؟
طيب نقول من البدايه
في بلادى مصر الطيبة كان ميلادها
فيها ارض ابوها وامها وكمان اجدادها
قبل ما تكبر حبيبتى
وفي عمر سبعتاشر جالها ياناس نصيبها
ماهو مش غريب دا كان
ابن عمها هو اللى خطبها
انسان شهم وطيب وابن حلال
واصبح خلاص حبيبها
كان ليها نعم الزوج وصار كل دنيتها
لكن القدر ويا للعنة القدر !!!
رب العباد اختار لجواره حبيبها
ماهو امى زمان قالتلى
الموت ما ياخد الا الحلوين
اللى في الدنيا مطلوبين
وعلى الشهامة والرجولة متربين
وبين كل الناس محبوبين
أكمل الحكاية ؟؟
تعبت سيبونى شوية ارتاح
من دلوقتى لحد الصباح
اصلى بصراحة كل ما افتكر
بتعب عشان حبيب حبيبتى
اللى سابها وراح
تعيش الحزن وتنسي الافراح
وتقفل قلبها عليه مسا وصباح
طيب طيب ...... متزعلوش
نكمل الحكايه مع انها ما اتكتب ليها نهاية
زمان قالوا في الامثال ..... العلم نور
وبقينا في عصر الانترنت وكمان الفيس بوك
قالت حبيبتى اتسلى
وعملت صفحتها باسم ....
متستغربوش !!!!
أاه هى دى حبيبتى وصاحبة روايتى
وفى نفس الزمان كنت بدور لنفسي على مكان
ودخلت على الفيس بوك
ومن بين الناس اخترتها صديقة
وماكنت اعرف انها هتكون الحبيبة
اتعرفنا وحبيتها ودوبت خلاص في هواها
لكن هي يا ناس عايزانى انساها
بتقولى زوجها اللى مات
كان حبيبها وطبيبها ودواها
طيب ... وانا ايه ذنبي
شوفولى حل اقول لقلبي يا ناس عليه
انا خلااااااااص ...... فعلا تعبت
بعد ما قلت لقيت لقلبي مكان
ومن الهم انا ارتحت
عايزه تبعد عنى طيب ليه وذنب قلبي ايه
انا خلاص مش هكتب تاني اشعار
بعد ماضاع حبي يا ناس وانهار
انا خلااااااااص ...... فعلا تعبت
لانى والله العظيم في هواكى دوبت
وحبيتك ياعمري وعشقت
لكن ابقي افتكرينى
ومش هقول جوه قلبك حطينى
ولا في عيونك تدارينى
ماانا عارف مين اللى جوه القلب والعيون
ومين اللى كل دنيتك ومالى عليكى الكون
سلام يااغلى حبيبة واوعدك
انى لحبك يوم ما خون
كملوا انتم الحكاية يمكن تلاقوا لها نهاية
انا هسكت خلاص .........
والله تعبت
المصدر: حكاية حب
ساحة النقاش