قولنا نهد الناس
قالوا ياله بينا
ومكنش عندنا أحساس
هدانا وبنينا
بس النار ولعت فينا
محدش قادر يتكلم فينا
لحد امتى
نشعل نارنا بايدينا
فاضل ايه تانى فينا
الجيب اتخرم والشعب اتحرم
من اكله حلوه ولا هدمه ولا حتى جزمه
دى الجزمه ل اسيادنا
يدوسو بيها على جيوبنا وكمان خدودنا
لحد امتى
سكوتنا هيفضل مايوجعنا
وبكره هنصرف مرتبات اسيادنا
علشان ايه الظلم
محدش عارف
هو الظلم ساكن فينا
ولا احنا ال ساكنين فيه
والله ده حرام معدتش حد عارف ينام
ارجعى ياايام
ولا اصحوا وحسبوا من الطوفان
دكل يوم هتعيشوا فى غليان
لحد امتى هنعيش فى الهوان
لما يفرضو علينا ضريبه موت الانسان
يبقى الدخول غالى وكمان الموت اغلى
ياخساره يا ايام
عمالة تهدى فى الانسان
بقلمى عبدالمنعم عدلى
