هلاهيل
.
آه.يادنيا . . فيكى إبن الأصول
وكمان. ..فيكى العويل.
.
هلاهيل
.
فيكى أبو ضحكه عسل
وفيكى أبو دم ثقيل
.
هلاهيل
.
أيام بتجرى بينا
ولا أنتى سأله . فينا
وركبنا سفينتك . يا دنيا
وسفينتك. لا شط ليها . ولا ميناء
.
هلاهيل
.
يادنيا طولك زيى عرضك
أبوس إيدك . أنا ف عرضك
.
هلاهيل
.
تعبت وجبت . آخري.
ومتحملك .وراضى . وبقول قدرى
وجريت . فيكى كتير
لما. أنقطع. نفسى
.
هلاهيل
.
وأنتى ولا مره . . فرحتينى
وطول عمرك. . سده .نفسى
وطول عمرك. . سده .نفسى
هلاهيل... هلاهيل
.
الشاعر عبدالعزيز لطفى