الاعلان الدستورى

تعبنا حرام عليكم انا واحد من مصابين الثورة ايامها الاولي 2011 وزهقت وقرفت وخلاص وصلت لمرحلة اني حكره العيشة في البلد دي بسببكم وربنا الواحد بيفكر في الهجرة لاي بلد تانية تكون الحكام والحكومة بتحترم ذكاء شعبها

اعلان دستورى مين دة اللي بيقول ان اغلب لجنة تعديل الدستور من هيئات قانونية وقضائية نفسي اعرف ايه اللي احنا عملنا جديد غير ايام مرسي نفسي حد يقولي ليه ما فيش حاجة اسمها دستور جديد مادام احنا كنا غير معترفين في اللجنة التأسيسية للدستور وطعناة علي تشكلها ازاى الان نعدل في مواد الدستوراللي احني بنقول عكس كلام الاسلاميين انه اوسخ دستور خرج في العالم ازاى قلنا ان اللي كتب الدستور فصيل واحد بس واتحكم فيه ونرضي الان بفصيل واحد برضه يعدل فيه هو هو  بالبلدي كدة احنا يا شعب بنطلع من نقرة لدوحديرة ويقولك ان المرحلة الانتقالية بعد تعدد فترات الاستفتاء والانتخابات لا تتعدي 6 اشهر حد يقولي والنبي ازاى اصل احنا جيين من كوكب تاني

ونفسي اقولك حاجة في نفسي من زمان قاعد مستني الاعلان علي الكرسي اعمل رفة سيادة الرئيس علي منصب رئيس وزراء مصر او قول حادي بادي سيدى محمد البغدادي.........؟

يمكن ربنا يكرمك وتلاقي جواب نهائي دون اتخاذ راْي الجمهور والاحزاب واللي واقف علي الباب واللي معارض علشان ميزعلش الاحباب.

حقيقي الشعب كان عنده بيض قبل الثورة دلوقتي بقي عنده بيض بردة بس مش اي بيض دة بيض نعام

شكرا سيادة الرئيس الافادة من الاعلان المنتظر وافقك الله وكل عام وانتم بخير وربنا يستر ونقدر نصوم رمضان