صندوق اسر الشهداء والمصابيين
صندوق اسود كما توقعنا منذ الاعلان عنه من مجلس الوزراء والاعلام المصري
رقم هاتف الصندوق ليس مجاني بل تريد الاتصال والاستعلام لازم يكون عندك رصيد فوق العشر جنيهات لانهم ريحيين ريحيين زي المسابقات بالظبط مش مهم المهم انهم حيخدوه العشرة جنيه رصيد في مكلمة توجية كيف تفعل واين تتوجه وطبعا اهي من ضمن المصارييف اللي طالع عين امك فيها منذ ان تحملت مصاريف علاجك وانفاقك علي عائلتك .
الاهم طبعا حتروح تتوجه لفرع الشئون الاجتماعية التابع لمحافظتك وهناك سيحدث ما لم تتواقعه اتحمل انا جميع مصطلحاتي وتعبيرتي لاني احكي قصة واقعية وانا احد المصابيين .
طبعا مكاتب ومواظفيين وناس وكل هوْلاء لا يعلمون عن الصندوق شيء وتنتظر وتنتظر حد تجد من يدرك وتخرج مستندات يوْكد كلامك وفي الاخر تدرك انك تتعامل مع نفس النوعية بتاعت الشهر العقاري او مواظفيين الادارات التعليمية نفس كمية الغباء الغير محدود ونفس العجرفة وقلة الاداب من الاخر بقر ومش اي بقر دة بقر بلدي بخيره لسة.
وطبعا موت يا حمار لحد ما يجيلك العليق وفي الاخر يطلع واحد من المواظفيين جاي متاخر وهو المختص باستمارة الصندوق .
وبعد الانتهاء من كافة الاجراءت والتوقيعات ومليء الاستمارة وتحديد نسبة عجزك الذي عدي 80 بالمائة تحصل علي رقم استني بقي لما يجي العفو والرحمة .
انا من مصابيين الثورة وطلع عين امي في توفير العلاج والمصارييف طول تلك الفترة وعمليات وكل دة علي حساب اهل الخير والعائلة دون مساعدة حكومة .
ومقدم استمارتي منذ اليوم الثالث بعد الاعلان عن الصندوق اي يعني منذ شهر وحتي الان لا يوجد بقرة واحدة من بقر الشئون الاجتماعية تعلم او يعلم ما هي الخطوة التالية واين هي ومتي تتواجد المبالغ المالية كثير من العائلات سواء كانوا اسر الشهداء او اسر المصابيين كان عشمهم وامالهم الحصول علي اي مبلغ قبل بداية رمضان حتي يستطيعون توفير محتيجات رمضان لابنائهم وعائلتهم .
بس حنقول ايه غير اللي اغتشوا ماتوا
من الاخر كلمة او تعبير او تحليل مني انا احد مصابيين الثورة
حتاخد ايه من واحد قرار ان يمسك الصندوق بنفسه للاسراع في توصيل الحقوق وهو منذ ان مسك الحكومة والبلد ما فيهاش جديد
يعني جبتك يا عبد المعين تعين لاقيتك يا عبد المعين عاوز تتعان.
بشري سارة للحكومة المصرية
للصائم في رمضان دعوة لا تصد عند الافطار استعدوا فهناك الكثير
ادعوا لنا ان يرحمنا الله احد مصابيين الثورة
ساحة النقاش