عصفور

عصفور وسايب ... فى القفص أصله اتحبس
عصفور فصيح أو كان فصيح بلسان ونص
على يوم م شاف رِيشَه ف جناحه
خلّت دموعه فى ثانيه راحوا
يوميها م الفرحه رقص
عصفور ملوش ف النعبشه
آم يوم ما خربش خربشه
طلعوا لضوافره بميت مقص
طب بس ليه يصرخ بأه
مدام لصوت الزقزقه
لا حد سامع ...
ولا حد حتى بعينه بص
عايز يعيش بس الحياه متطرَّفه
بجناح وريش لكن مفيش غير رفرفه
ولا عدش فاضل م الغنا ولا حتى حس
دلوقتى لو فتحوا له مش ممكن يطير
مكتوب عليه يفضل أسير ...
جواه قفص .
..........................................................
موقعى الشخصى على الانترنت رابط
http://www.hossamelokdah.blogspot.com/