رجع الشتا

رجع الشتا ...
خلا العيون متكلفته
عماله بتلم ف حروف تعمل كلام
والكلام مليان بجد وعفرته
....
رجع الشتا خلا الحبايب تفترق
خلا الدفا ...
بقى حبر بس على الورق
والقمر كُتر المطر خلاه غرق
مع إنه كان ليه السحاب مليون غطا
....
رجع الشتا ... وحبيبى مش راضى يجينى
المطر حايش ما بين قلبه ... وبينى
يام العيون الخضر ... من كتر الفراق
عايش حياتى ملخبطه
.....
رجع الشتا ... إيه اللى بس مرجعه
يا ريت بسرعه الاقى نفسى بودَّعه
أحسن تغيب ترجع تلاقى القلب دايب
والقصايد جوه منه مفتِفته .
..........................................................
موقعى الشخصى على الانترنت رابط
http://www.hossamelokdah.blogspot.com/