محمد شهاب- المزارع السمكية Mohamed Shihab -Aquacultures

يعرض الموقع الأحدث من ومقالات و صور و مواقع تخص الاستزراع السمكى

بحيرة ناصر

إعداد/محمد شهاب

مصطفى سعيد 21/10/2015 فيس بوك

مصر معرفتش تستفيد تماماً بعشرات الآلاف من التماسيح العملاقة اللي موجودة في بحيرة ناصر ، لا سياحياً و لا إستثمارياً و لا طبياً و لا علمياً و لا حتي رياضياً و لا أي حاجة خالص" ، دي ببساطة شديدة الجملة إللي كل كبار علماء و خبراء العالم بيقولوها بحزن شديد و خيبة أمل لما أي حد بيسألهم عن تماسيح بحيرة ناصر ... بحيرة ناصر هي أكبر بحيرة صناعية في العالم كله، بطول ٥٠٠ كم و عرض بيتراوح ما بين ١٣ كم ل٣٥ كم ، و فيها حوالي ١٠٠ ألف تمساح من أكبر و أهم و أغلي تماسيح العالم، خبراء العالم بيسموا بحيرة ناصر ب"كنز مصر العظيم"، و لكن للأسف الشديد محدش إستغل الكنز ده لغاية دلوقتي و لا من ناحية الأسماك اللي ممكن تغير كتييييير في حياة المصريين ولا من ناحية التماسيح اللي ممكن لو إستغلناها صح و بذكاء تدخل لمصر ملايين الدولارات ، لو بس إستفدنا بحاجة واحدة من ال٥ حاجات اللي جاية دي: ١-سياحياً: بلاد العالم بتستنشئ علي أي شوية تماسيح عندها عشان يعملوا عليهم منتزه سياحي عالمي و يروجولوا بأفكار جبارة و كلها برة الصندوق يشدوا بيها ملايين السياح من كل أنحاء العالم ، زي ما بيحصل في مدينة داروين الأسترالية اللي دخلت للدخل القومي الأسترالي سنة ٢٠١٤ أكتر من ١١،٧ مليار دولار بس من سياحة التماسيح!! و مدينة فلوريدا الأمريكية اللي أقوي فريق كرة سلة فيها خلي علامته و شعاره "رأس تمساح" عشان فلوريدا مشهورة بتماسيحها و كل السياح بيزوروا المدينتين دولا في أستراليا و أمريكا و بيدفعوا حوالي ١٠٠ دولار (٨٠٠ جنيه) للفرد الواحد عشان يخدوا جولة بالمركب وسط البحيرات هناك و يأكِلوا التماسيح و يتصوروا معاها ، مش بس كدة دي الدول دي من كتر مابتعرف إزاي تستفيد و تستثمر كل حاجة عندها، عملت أقفاص إزاز ضد الكسر و سموها "أقفاص الموت" و بقت تنَزِل السياح فيها تحت المية مع التماسيح لمدة من ١٠ ل ١٥ دقيقة عشان تكون تجربة العمر و يخدوا أحلي صور أو سيلفي مع التماسيح العملاقة (زي ما في الصورة) و ده طبعاً بتذكرة تانية حوالي ٢٠٠ دولار للفرد (١٦٠٠ جنيه) و كمان بالحجز مسبقاً لأن الأعداد بتيقي كتييرة أوي، و بيبيعوا للسياح رأس التمساح الصغير المحنطة بحوالي ٨٠ دولار (٦٤٠ جنيه) "زي ما في الصورة علي اليمين و لو عملنا ده في مصر حنشغل آلاف الشباب المصري... ٢-إستثمارياً (و فيها حتة سياحية بردو): التمساح الواحد في بحيرة ناصر بيبيض من ٤٠ ل٦٠ بيضة في السنة ، يعني إحنا لو عملنا مزارع لصغار التماسيح و إهتمنا بيهم حيبقي عندنا أكبر عدد من أفضل التماسيح في العالم و ساعتها ممكن نستغل جلود التماسيح الكبيرة اللي الواحدة منهم بتتباع خام بحوالي من ٥٠٠٠ دولار ل١٠،٠٠٠ دولار و لو إتنظف و إتظبط و إتعمل لبس و جزم و شنط و محافظ ،بطريقة صحيحة بيتباع لنجوم و نجمات العالم بمبالغ أكبر من كدة بكتبر أوي و طبعاً كل نجم و نجمة حيتفشخروا قدام أصحابهم و معجبيهم بإنهم لابسين جلد أكبر و أشهر تماسيح العالم "تمساح بحيرة ناصر" و ده حيجيب لمصر و للسياحة المصرية ترويج عالمي في كل بلاد العالم ده غير الفلوس اللي حتدخل للدخل القومي المصري بعد لما نعمل مزارع التماسيح و أعداد التماسيح تبقي أضعاف أضعاف الموجود فيها دلوقتي، ساعتها لو حنبيع جلد ٤٠ألف تمساح بس و خام حتي "لأسوأ تقدير" يعني ٤٠ألف*١٠آلاف دولار=٤٠٠ مليون دولار = حوالي ٣،٥ مليار جنيه مصري !! ٣- طبياً: المعروف إن التماسيح أكتر مخلوق علي كوكب الأرض عنده مناعة طبيعية و ده اللي بيخلي علماء و أساتذة الطب و أكبر و أغني مراكز أبحاث طبية في العالم حيدفعوا ملايين الدولارات و اليورو عشان يعملوا أبحاثهم علي تماسيح بحيرة ناصر لأنها أقوي تماسيح في العالم من ناحية المناعة و القدرة علي التأقلم مع كل التغيرات، و طبعاً العلماء بيستخدموا مناعة التماسيح عشان يعملوا أفضل الأمصال و الأدوية اللي بتعالج أمراض كتيرة جداً في كل أنحاء العالم ، بأسعار غالية جداً و المحزن إن مصر مانعة العلماء إنهم ييجوا يدفعوا فلوس كتيرة و يعملوا أبحاثهم علي شوية تماسيح من عندنا، طب ليه منستخدمهمش و نخليهم يعملوا مراكز أبحاث دائمة بجوار بحيرة ناصر و يطوروا أدوية و أمصال "مجاناً" للشعب المصري و كمان نبعت معاهم أطباء و علماء مصريين شباب عشان يتعلموا منهم !! ٤-علمياً و عملياً:كل القنوات التليفزيونية بتاعة المغامرة زي ناشيونال جيوغرافيك و أنيمال بلانيت و غيرها كتيييير، بيدفعوا بردو ملايين الدولارات عشان الحكومات تسيبهم يبعتوا علمائهم بتوع الحياة البرية عشان يصوروا و يوثّقوا حياة التماسيح بالصور و الأفلام الوثائقية و ينشروها في المجلات العلمية و المؤتمرات العالمية و طبعاً في التليفزيون بجميع لغات العالم عشان الناس كلها يستفادوا.. و لكن للأسف إحنا قافلين البحيرة و كاتبين عليها "ممنوع الإقتراب أو التصوير" ده غير إن العلماء دول بيعملوا دراسات رائعة و مفيدة جداً عن حياة التماسيح و إزاي مصر ممكن تستفيد لأقصي درجة من الكائنات دي و يعرفوا كل أسرار التماسيح عشان يعرفوا يتعاملوا معاهم... و لكن للأسف إن آخر مجموعة علماء جت لبحيرة ناصر كانوا من اليابان من ٢٠ سنة و كانوا عايزين يعملوا أبحاث و يدوا نتيجتها للحكومة المصرية عشان يساعدوا المصريين إنهم يستغلوا البحيرة و لكن للأسف بردو المسؤولين هناك طفشوهم و خلوهم يرجعوا علي اليابان و قالولهم إن المصريين مش محتاجين أبحاثهم و لا أي حاجة منهم... و من ساعتها مفيش أي عالم أو باحث راح البحيرة !!! ٥-إعلامياً: طبعاً ماحصلش إن وزارة السياحة فكرت إنها تعمل أي دعاية للبحيرة و لا التماسيح اللي فيها و لا جه علي مخها إنها تعمل مسابقات عالمية للمغامرين المشهورين من جميع أنحاء العالم عشان ييجوا و يعملوا إعلانات و ترويج إعلامي للبحيرة و شد إنتباه معجبيهم من كل العالم للبحيرة و للتماسيح و الأسماك العملاقة إللي فيها... إيه رأيكم لو حاجة واحدة من ال٥ حاجات اللي فوق دول حصلت؟؟ نعتقد حتفرق كتييير أوي مع مصر و المصريين في حاجات كتير رمز تعبيري أغرب حاجة في الموضوع ده إن كل دي أفكار ناجحة و أثبتت نجاحها الباهر في بلاد العالم، حجاجوفيتش أخد خلاصتها من لقائاته الكتيرة مع مشاهير العلماء و الخبراء السياحيين و الإستثماريين و غيرهم من خلال سفره ل١١٥ دولة في العالم و بيديها ببلاش و لوجه الله للجميع و عشان خاطر مصر تبقي من أقوي و أفضل دول العالم، و لكن طبعاً كالعادة مفيش حد من جهابذة السياحة أو الإستثمار أو مسؤولي تنمية الثروة السمكية في مصر حياخد بولا كلمة و لا فكرة من اللي فوق دول، و طبعاً حيطلعوا كالعادة و يقولوا إن فيه قبائل و عصابات مستولية علي البحيرة بوضع اليد و مش يحسيبونا نعمل أي مشروع فيها!! إديني عقلك‏ رمز تعبيري *ملحوظة: الصورة لحجاجوفيتش و هو بيأكل التماسيح في أكبر منتزه للتماسيح في فلوريدا بأمريكا و هو ماسك رؤوس التماسيح الصغيرة المحنطة و هو بياخد صورة تذكارية مع صورة تمساح علي شكل شيف و كاتب علي المريلة بتاعته "بحب آكل السياح" و بعض السياح في أقفاص الموت مع التماسيح في أستراليا Ahmed Haggagovic - أحمد حجاجوفيتش تابعوا أيضاً صور #‏حجاجوفيتش و حلقات برنامج #‏سفاري_حجاجوفيتش علي صفحاته الرسمية في اليوتيوب و الإنستجرام و تويتر :"Haggagovic" أدمن Show less

لمزيد من المعلومات يمكن التواصل مع الروابط التالية المتعلقة بالمزارع السمكية:

https://www.facebook.com/groups/210540498958655/

http://kenanaonline.com/hatmheet

https://twitter.com/shihab2000eg

http://www.youtube.com/results?search_query=shihabzoo&sm=3

https://www.facebook.com/pages/%D9%88%D9%83%D8%A7%D9%84%D8%A9-%D8%A3%D9%86%D8%A8%D8%A7%D8%A1-%D8%A7%D9%84%D9%85%D8%B2%D8%A7%D8%B1%D8%B9-%D8%A7%D9%84%D8%B3%D9%85%D9%83%D9%8A%D8%A9-Aquaculture-Press/745767408789564

المصدر: فيس بوك
  • Currently 0/5 Stars.
  • 1 2 3 4 5
0 تصويتات / 202 مشاهدة
نشرت فى 2 نوفمبر 2015 بواسطة hatmheet

ساحة النقاش

عدد زيارات الموقع

1,852,946