محمد شهاب- المزارع السمكية Mohamed Shihab -Aquacultures

يعرض الموقع الأحدث من ومقالات و صور و مواقع تخص الاستزراع السمكى

Khaled Gobbah

المد الاحمر

 

إعداد/ محمد شهاب

في اتصال مع صديق عزيز امس بخصوص امر ما ظهر

 على سواحل مصر الشمالية الشرقية اتفتح الكلام عن قصة المد الاحمر..

قبل اي شيء وبعد بسم الله الرحمن الرحيم،ماباقولش ان دي المشكلة او سببها! ده محتاج تجميع عينات ودراسة بالميكروسكوب للمياه اللي فيها المشكلة، لكن هو مجرد موضوع حابب اوضحه..

المد الاحمر او الRed Tides

هي ظاهرة بتسببها نوع من الطحالب السوطية الميكروسكوبية اسمها Dinoflagellate

دي بتفرز صبغة حمراء بتسبب لونها المميز، وبتتجمع في تجمعات هائلة بتظهر كبقعة حمراء او بنية طافية على سطح المياه، اتسجلت في مياه البحار والانهار والبحيرات، حتى عندنا في نهر النيل استاذ الطحالب العظيم ا.د. احمد عبد المنعم في معهد علوم بحار القناطر كان حكى لي عن رصده لتجمع من النوع ده في النيل وتسببه في ابادة اسماك النيل واللي كان بعضها مستزرع في اقفاص معدنية مغمورة في الماء في المنطقة اللي ظهر فيها المد الاحمر..

اخطاره بصراحة مش قليلة..بتبدا بسحب مش طبيعي للاكسجين من المناطق اللي بيظهروا فيها بسبب اعدادهم الهائلة،وده بالتاكيد بياثر على الكائنات البحرية المحيطة سلبا جدا لدرجة الموت خنقا لنقص الاكسجين،لكن اخطر من ده قدرة انواع منها على افراز نوع من السموم العصبية. اسمها بريفيتوكسينز brevetoxins

قادرة انها تاذي بقوة اي اسماك او فقاريات بحرية محيطة، من خلال التهيج المفرط للاعصاب وارباك نقل الاشارات العصبية، وفي حالات مسجلة فعلا في كل محيطات واغلب بحار العالم عن موت الفقاريات البحرية للسبب ده ، سواء كانت سلاحف، او حيتان، او قضاعات، او او.. اللافت فعلا ان المحار البحري mussels له القدرة انه ياكلها ويخزن سمها في جسمه من غير مايموت!!و فيه حالات متسجله لاصابات ووفيات بشرية بسبب اكل المحار المسمم ده..فيه دول زي اليابان بمجرد مايظهر المد الاحمر بتمنع فورا بيع وصيد المحاريات لخطورتها على الامان البشري خصوصا..و باتصال شخصي مع صديق عزيز في دولة الامارات العربية عرفت ان مع ظهور موجات المد الاحمر عندهم، بتدخل محطات تحلية المياه هناك ترسات واسماك ميتة بكثافة..

وفيه تحذير كمان من خطر على البشر وان كانت

اضراره المعلومة للان قاصرة على تهيج الجهاز التنفسي، ان السموم دي جزيئيا خفيفة، فبتطلع على سطح الامواج في فقاعات تنفجر وتطلع رذاذ خفيف معبا بالسموم دي،بينقلها الهواء لمناطق زي الشواطيء او التجمعات البشرية القريبة..

طبعاالخطر يبقى مضاعف جدا في حال السباحة في وسط الموجات الحمراء دي..

المصدر: الفيسبوك
  • Currently 0/5 Stars.
  • 1 2 3 4 5
0 تصويتات / 33 مشاهدة
نشرت فى 8 يناير 2019 بواسطة hatmheet

ساحة النقاش

عدد زيارات الموقع

671,720