<!--<!--

في حين ان اختيار الألوان يمكن أن بأتي بشكل طبيعي بالنسبة للبعض. لكنها تمثل واحدة من المعضلات الأكثر شيوعا, كما انها المنطقة التي يقع فيها اغلب الناس فى الكثير من الاخطاء المؤلمة. كما ذكرت فى مقالتى السابقة فان عنصر اللون من اهم عناصر التصميم و الديكور “السهل الممتنع”. السؤال الدائم : مش عارف اعمل الخشب غامق ولا فاتح ؟ مش عارف السجادة دى تمشى مع ايه ؟ الحيطة اللى ورا السرير مش عارف اختارلها لون ورق الحائط ؟ طب ليه كل ده ؟

باختصار و بدون دخول فى نظرية الالوان, و من غير كلام نظري و علمى ممكن يطول عليك و يتوجب شرحة فى اكثر من مقال. موضوع الالوان ده “الهامInspiration – “. ايوه الهام. فى ناس عندها الالهام ده طبيعى او بالخبرة .بس متقلقش فيه خطوات سهلة علشان تحصل على الالهام ده.

قبل ما اوضح النقطة دى , عايزين نتفق على بعض الامور

1.   القاعدة الاولى : ” بلاش اختراعات” Don’t Reinvent the Wheel , بلاش تجرب خلطة الالوان المبتكرة , او تديها سيراميكة زرقة فى سيراميكة صفرا زى محلات الفول (حتى هما بطلوها), و كفاية الحيطة النبيتى او الزيتى اللى فى الصالة (خلصت من سنة 90) . و الموضة مش معناها ان العفش كله يكون لون الخشب اسود.

2.   كل اللى يعجبك و اختار الالوان اللى تعجبك برده : تذكر دائما ان هذا المكان لك انت (من اجلك انت … بجد) , يجب ان تشعر بالراحة فى كل جوانبه, اختار ما يناسب ذوقك و يعبر عن شخصيتك.

3.   ” اسأل , استشير ” , ممكن مهندس الديكور يخلى حياتك اسهل بكتير , حتى بعد اختيار الالوان , المتخصص هيساعدك على توظيف كل لون فى مكانه الصحيح.

4.   ما تسمعش كلام المقاول , الصنيعى , جوز اخت بنت عمك (المهندس .. طبعا) او حتى جارك اللى كان معدى بالصدفة فقال ينصحك كام نصيحة على الماشى. كل واحد له ذوق معين. التزم باختيارك و نصائح مهندس المشروع , يذكرنى ذلك بمواقف متكررة على مدار اكثر من 15 سنة. المقاول او الصنيعية: ” طب ليه كده يا باشمهندس , ده كده شكلها وحش” و ده طبعا الرد عليه يكون بابتسامة خفيفة “المقصود منها خليك فى شغلك” او الصنيعى يقول: ” يا باشمهندس ما ينفعش” الرد الطبيعة الهادئ ” لا ينفع, اجدعن انت بس و خلص” و الحمد لله يتقلب الحال فى نهاية الامر ” بسم الله , ما شاء الله . لاء الله ينور عليك يا باشمهندس, بصراحة انا اول مره اشوف كدة , بس جميلة”.


البحث عن الالهام - Get Inspired

ها هى خمس طرق مختلفة , اختر منها واحدة لتكون مصدر الهامك ( لاحظ شريط الالوان المرافق لكل صورة )

لونك المفضل ( Favorite Color ):

تذكر ان هذا المكان يمثلك انت , و يعكس شخصيتك و ميولك , خذ برهه من الوقت و تفقد مقتنايتك , ستجد انك تميل الى استخدام لون محدد , يتكرر فى العديد من ممتلاكاتك . استخدم هذا اللون كلون اساسى و اضف اليه دراجاته ( Shades )  لتحصل على تأثير احادى اللون ( Monochrome ). يمكنك اضافة لون اخر لكن تحتاج لاستخدام احد الطرق التالية.   

القطعة المفضلة ( Favorite piece of furniture ):

ابسط الطرق و ربما احبها الى قلبك , استخدم القطعة المفضلة اليك كمصدر للالهام و ابداء من هذه النقطة. و حيث ان المجال ضيق لشرح او الدخول فى انماط الديكور و التصميم المختلفة. فابداء بتصفح الانترنت والبحث عن قطعة شبيهه (من حيث: color, style, size, … ). باستخدام Keywords سليمة يمكنك الوصول لعدد من الصور (احفظها) وقم بانتقاء الاكثر ملائمة لذوقك. و منها استخرج الالوان الاساسية والثانوية لجميع العناصر.

صورة فوتوغرافية/رسمة فنية ( A Photo/Painting ):

تعتبر هذه الطريقة الاكثر جرائة و لذلك ينتج عنها تناسق للالوان مبتكر و خلاق. فقد بذل الفنان او المصور المجهود المضنى ,الساعات الطويلة و خبرته للحصول على هذه اللقطة او ليرسم لوحة متناغمة. كل ما عليك هو عند اعجابك بعمل فنى و لتكن صورة فى معرض او رسمة على الحائط , استخدام هذا العمل كمصدر الالهام .

قطعة قماش/ورق حائط( Fabric/Wall Paper ):

هى الطريقة الرابحة بلا جدال , فمصنعون الاقمشة و ورق الحائط يستعينون بخبراء و مصممين لوضع احدث الصيحات فى منتجاتهم و ها هى بين يديك لتنتقى منها ما تشاء لبث روح الحيوية و الابداع فى بيتك.

لقطة لتصميم داخلى( Interior Shot ):

هى الاقصر و الاضمن. كل ما عليك هو البحث عن تصميم لغرفة او حيز يقارب ما لديك ( من خلال مجلة , ملصق/ورقه دعائية , انترنت او صورة لمكان يعجبك ) , استخدم الوان جميع العناصر كما هى دون اى تغير و النتيجة نسخة شخصية من نفس التصميم (  What you see is what you get ).

 

المصدر: MTM
hanaonly

Hana Hashem

ساحة النقاش

hanaonly
»

تسجيل الدخول

عدد زيارات الموقع

55,138