بقيت مباراة واحدة ياطلعتنا فوق مع الناس الكبار لطلعت روحنا اللى ادارة نادى الشرقية بقيادة المدير الفنى حمدى مرزوق اللى بيصر على وضع التشكيل والتدخل فى شئون كل مدرب لغاية مايسيب له النادى ويطفش حتى ان فيه مدربين فكروا يبطلوا تدريب بسببه اقول ان ادارة النادى اللى صرفت أكثر من مليونين لحلوح ع الفرقة دى حظها حلو ان مفيش جماهير بتحضر المباريات كان زمان أسماءهم فى كشوف قتلى وجرحى الثورة ( كانوا هياخدوا معاش بس كان ربنا هياخد بخاطرنا ) عموما ده كلام سابق لأوانه لأن وقت الحساب جاى جاى لكن اللى يهمنا احنا إننا بنتمنى إن ربنا ياخد بايد شوية اللاعيبة بتوعونا ويحاربوا فى المباراة اللى جاية الأخيرة قدام الكهربا وما أدراك ماالكهربا ورغم انها صعدت إلاّ إن اولاد الحلال نازلين زن فى دماغهم وجاهزين يدفعوا تمن فوزهم علينا واحنا ادارتنا مالهاش فى التكتكه ودى حاجه كويسه ويبقى مفيش حل الا اننا ناخد حقنا بايدينا ونفوز ووقتها بس هتشوفوا شعب الشرقية واحلى واحسن جمهور رياضى هيعمل معاكم ايه