مجلة/أشعار على وتر الحبيب/الشاعر/جميل عوض

سكة فراق
إخترتها أنت بإديك
مع إنى حبى
فى الزمان ده هديه ليك
حب صادق
ما خان فى يوم لمسة اديك
ولا قلبى حس إلا بيك
لما جت عينى فـ عنيك
طب ممكن أعرف
ليه كل واحد مننا 
ماشى فـ طريق
بعد ما كان همنا
إن إحنا نسعد بعضنا
ونعيش حياتنا لقلبنا
وأتعاهدنا 
إن هيدوم حبنا
وسبتنى وسط الطريق
أعانى أمواج الغريق 
طب قولى ليه كان الفراق
زعلت منى
طب كنت قولى
أصل العتاب من الحبيب
يبقى إشتياق
طب رد مره وقولى ليه
نفسى تريح قلبى
إللى إنت سكنت فيه
ليه الأسيه طبع فيك
تجرح قلوب هواها ليك
وتخلى سكة حبنا
سكة فراق
حرام عليك

.✫. `بقلمى´ ✫ ✫..
ஜجميل عوض ஜ
(⁀‵⁀) ...✫..
..✫. `⋎´⁀‵⁀) ✫ ✫ ✫♂

  • Currently 0/5 Stars.
  • 1 2 3 4 5
0 تصويتات / 177 مشاهدة
نشرت فى 27 يوليو 2016 بواسطة gamil72

عدد زيارات الموقع

3,269