مجلة/أشعار على وتر الحبيب/الشاعر/جميل عوض

زيد يا ألم 
زيد الوجع
واملى كروش المليانين
هات للفقير المرتجع
وزيد حموله وزدها دين
فتش جيوبه 
هتلقى رمل
هتلقى طين
زيد يا ألم
هات يا ألم وزيد كمان
خلاص أخدنا ع الوجع
أصل الفقير دا من زمان
لا جاله فرح ولا دلع
زيد يا ألم
وأكسر ف ضهر المحتاجين
كل يوم تزيد بعاد
وتزيد جراح المجروحين
والغنى راكب جياد 
يدوس على رقاب العباد
بس فيه رب رحيم
يكرم عباده المخلصين
طول ما ف حياتنا
إيمان ودين
وطول ما فيه رب كريم
افرحوا يا طيبين
زيد يا ألم
.✫. `بقلم´ ✫ ✫..
ஜجميل عوض ஜ
(⁀‵⁀) ...✫..
..✫. `⋎´⁀‵⁀) ✫ ✫ ✫♂

  • Currently 0/5 Stars.
  • 1 2 3 4 5
0 تصويتات / 148 مشاهدة
نشرت فى 26 يوليو 2016 بواسطة gamil72

عدد زيارات الموقع

3,270