ولادنا هما كل حاجة في حياتنا .. مننا اللي بيدفع عمرة علشان بس طفل ينور حياتة ومننا اللي شايل هم الطفل اللي لسة هيجي.

ربنا ما يحرمنا من النعمة دي .. وتنور دنيتنا كلنا ..

بس يا ترى كلنا عندنا القدرة علشان نحافظ على ولادنا .. علشان يتربو صح ..

النهاردة هتكلم عن الجزء الغلط في تربية ولادنا ..الجزء اللي ممكن يضيعهم مننا للابد .. واللي ممكن يخلينا نكرة الوقت اللي شفانهم فية .

بيكبرو قدام عنينا  خطوة خطوة .. بينزلو المدرسة والشارع .. وبيرجعو البيت ياكلو ويدخلو اوضتهم .. للكمبيوتر .. للاب توب .. للموبايل..

عالمهم اللي خطفهم من وسطنا واحنا اللي سمحنا لحدوث  دة .. انا ابدا مش ضد التكنولوجيا وتخلف مننا لو فكرنا ان منعهم من اي حاجة من دي هيحافظ على ولادنا

الحل ..

الحل اننا ندخل حياتهم بكل حب نقرب منهم ونصاحبهم نسمعهم .. مش من مبدأ التجسس ولااسلوب اللي يخلينا نهددهم بأسرارهم لو فكرو يعارضونا في اي شيء ..

ولادنا هما الذرية اللي هتعمر ورانا ولو خسرناهم لحظة عمرنا ما هنعوضهم لأخر العمر ..

الحل اننا نعرف صحابهم .. بيقعدو مع مين بيسمعو اية نتكلم معاهم بسنهم .. بلاش : عيب   وميصحش  وانت لسة صغير .

كل دي حيطان سودة بنبنيها بينا وبينهم لاخر العمر ومهما حاولنا نصلح بعدها عمر اللي اتبنى جواهم من افكار عننا ما هيتلغي مهما حاولنا .. احنا ممكن نعيد تفكيرنا فيهم بس هما لو بعدو عننا مش هيدونا الامان .

الكلام لسة مخلصش لانها سلسلة مالهاش أخر ..

ويا رب نفكر في ولانا ونعيد ترتيبهم في دنيتنا تاني .

اخر كلامي النهاردة صداقتنا لولادنا واننا نفهمهم اللي مش فاهمينة صح ..مننا احنا ومانسيبش الباب مقفول قدامهم وابواب كتيرة اوي مستنياهم للغلط .

المصدر: #كتاباتي
  • Currently 0/5 Stars.
  • 1 2 3 4 5
0 تصويتات / 66 مشاهدة

wfaa abdo mhmd el-shandwily

folamhmd
»

أقسام الموقع

جارى التحميل

تسجيل الدخول

عدد زيارات الموقع

510