اليوم جبتلكم اول درس لتعليم الاكسسوارات وبيضمن مجموعة الادوات الى هنستخدمها

وهى



-الأدوات:

أهم أداتين هنستخدمهم الزرادية العادية و الزرادية ذات الرأس المدور..الأولى علشان نفتح و نقفل بيها السلاسل و الزرد..و التانية علشان ندور بيها المسامير(كل دة هنفهمه أكتر الدرس اللي جاي ان شاء الله)دول موجودين عند محلات الخرز..أو أى محل عدد,,أهم أداة الزرادية ذات الرأس المدور..أهم من الزرادية العادية

الزرادية العادية




الزرادية ذات الرأس المدور





2-الخامات:

عندنا المسامير..و الزرد..و دي يعني حلقات الربط..و المسامير بتيجي في مقاسين..طويل و قصير..و كذا لون..الفضي و النحاسي و الذهبي..بس أنا بفضل الفضي لأنه بيمشي مع كل حاجة..كمان المقاس الطويل لأنك ممكن تستخدميه مع كل أحجام الأحجار..أما الزرد فبيجي في كذا مقاس برضه..دة الصغير منه..و فيه وسط و كبير..و برضه بيجي في نفس ألوان المسامير..أنا بفضل الصغير لأن شكله بيكون أشيك في الشغل..و دول ال5جم بجنيه
السلاسل..عندنا كذا حجم..الصغير و الوسط و الكبير..للأسف الموجود عندي الصغير و الوسط..و دول المتر ب3ج..أما الأكبرشوية فمنه المتر ب4ج..والأكبر أوي ب7ج..و الأسعار دي في محل زرارة بالأسكندرية..و موجود في المنشية..و أعرف ان له فرع في القاهرة برضه
أما عن الخرز و الأحجار فالخيارات كتير..و أنا جبت لكم بعض صور للخرز..أما الأستيك فبنستخدمه في عمل الغوايش..و البكرة دي ب5.50ج لأنها ملونة..بس نوعها نضيف و كويسة جدا..الأقفال رخيصة..الواحد ب00.50ق بس..و ميداليات الموبايل بالجملة ال100بيعملوا25ج..العملات دي ممكن نستخدمها في الأنسيالات..بيكون شكلها حلو أوي..وسعرها كويس

المسامير



الزرد





السلاسل



بعض أشكال الخرز










ميداليات الموبايل






ودة نوع من انواع الاستك

العملات



الأقفال

fashion4all

دعاء حمزة

  • Currently 175/5 Stars.
  • 1 2 3 4 5
60 تصويتات / 1195 مشاهدة
نشرت فى 1 مارس 2010 بواسطة fashion4all

ساحة النقاش

عدد زيارات الموقع

29,727