عارف يعني ايه أمان بالنسبة للست ..؟

يعني لما تيجي تطلب منك طلب تطلبه وهي مش خايفة مهما كانت هيافته
يعني لما تقولك علشان خاطري تكون عارف انها ورطتك لأنك استحاله ترفض طلبها 
يعني لما تغلط تحكيلك ، ولما تعمل حاجة جديدة تاخد رأيك فيها ، وهي واثقة انك مش هتبخل عليها بيه
يعني مش هتتريق عليها لو تخنت شوية ، ولا هتشمت فيها لو فشلت ف حاجة
يعني تكون اول واحد بتعلي ثقتها بنفسها ومبتحسش بوجودها غير معاك انت وبس مش العكس
يعني لما تتعب تبقى عارف ان حضنك مفتوح لها ، وانك وقت أزمتها هتقف جنبها حتى لو كنت زعلان منها
يعني تلاقيك لما تحتاج تشوفك
يعني لما حد يسألك عاملين اي تقوله الحمد لله مبسوطين حتى لو فيه مشاكل بينكم وبين بعض
يعني تكون صاحبها قبل حبيبها وحبيبها قبل جوزها وجوزها قبل ما تكون أبو ولادها
تيعني كون سندها ، وظهرها اللي بتتحامى فيه ، وقلبها اللي بينبض باسمك طول الوقت

صدقني ده الاحساس اللي بتدور عليه اي بنت اللي لما تلاقيه بتبيع الدنيا كلها علشانه 
لما تلاقيه مش هتنكد عليك ، مش هتفقد كل حاجة حلوه جواها ، مش هتنام كل يوم ودموعها على خدها ، مش هتكره كونها بنت

خليك امانها
هتكون سندك طول العمر

  • Currently 0/5 Stars.
  • 1 2 3 4 5
0 تصويتات / 3 مشاهدة
نشرت فى 4 سبتمبر 2019 بواسطة elbardesi

الموقع الرسمى للكاتب الصحفى عاطف البرديسى

elbardesi
موقع خاص بالكاتب الصحفى عاطف البرديسى رئيس مجلس إدارة ورئيس تحرير جريدة الفراعنة المصرية »

ابحث

تسجيل الدخول

عدد زيارات الموقع

12,757