.................... ساعات الدنيا تخنقك ..........................
ساعات الدنيا تخنقك
وتموت من الخنــــــــــــقه
وتعيش حياه بوحدتك
وتبكى م الحـــــــــــــــرقه
وتصبر الحال على غلبك
وتقول اهى طـــــــــــــرقه
لاصديق يزيل وحدتك
ولا اخ بالخـــــــــــــــــنقه
والكل عامل غــــريب
وقت الحيره والــــــــــزنقه
واول تقول الاه يبعدوا
ماهى قعــــــــــدتك خنقه
واول تكون مبسوط
الكل يقسم كان وراه طرقه
غريبه دنيا البشر
لما تكـــــــــــــــون رايقــه
الكل بيحضـــــنك
ولو ناسها مش فايـــــــقه
وناس غريبه تسندك
ولو مهش لايقـــــــــــــــه
واخوك بيبقى غريب
وقريب لمراته العــــــــايقه
وخايف يشيل زنقتك
تبقى المدام مضــــــــايقه
والدم هان وانتهى
مايه ومش رايقــــــــــــــه
واول شماته تكون
من اخوك ومدامه العايقــه
ياصاحبى اصبر تنول
تلقى الحياه رايقـــــــــــه
وان كنت جواك الم
والنفس مضـــــــــــــايقه
رب العباد يسعدك
ويبدل الــــــــــــــــــزنقه
وساعتها ابقى انتبه
تلقى الحياه ســــــــايقه
والكل فيها بميعاده
نازل ولو هـــــــــــــــــيئه
جوه التراب يندفن
ولاشامعـــــــــــه له ايده
ويبقى ذكرى انتهت
ولا ليها بالوجــــــود فايده
وان حكـــــــمة ربنا
لكل العباد ســــــــــــايده
بكره تروق م الهموم
وتيجى الحياه بالخيرات عايده
وبرضه الدنيا يوم تخنقك
وتموت من الخــــــــــــنقه
وهتبكى تانى بوحدتك
وتصرخ من الحـــــــــــــرقه