""" وجوه بتتغير """
.


وجوه عماله بتتغير
وناس كتير بتتحير
والكل شايف نفسه صحيح
موال ف الدنيا بيتكرر
.
عايشين بنجرى ف الغابه
علينا أسود ويا ديابه
لازم نطاطى لجل الريح
إحنا ف دنيا كدابه
.
حتى الحلم لينا مافيش
بنحلم بفرخه او حتى الريش
ولما تقول كلام صريح
يقولوا يا بنى ماتاكل عيش
.
ها خلى ياباشا حروفى خفيفه
بس مافيش ولا تعريفه
هاتوا يا ناس حل مريح
عشان بقت حاجه مخيفه
.
وجوه كتيره بنصدقها
وهوا ربى إللى عالمها
إنه جواهم قلب قبيح
إحمينا منهم يارب وعدلها
.
""" وجوه بتتغير """
.
كلماتى / إبراهيم ابو تمام الحمرانى