أولا: فطام الأرانب يكون فى الصباح يعنى فى وقت وضع وجبه الصباح للأرانب لأن كده بيخفف من صدمه الفطام للأرانب عنه فى الليل ومع وضعهم فى بوكسات التسمين نعطى كل أرنب 1/4 سم يوسى ميزول تحت الجلد وهو طارد للديدان ومنشط للمناعه

ثانيا: مع اول يوم فطام لا نضع اى علف للأرانب المفطومه ونكتفى بالماء مضاف اليه 1سم انروفلوكساسين + 1جم نيومايسن ودا هايستمر معانا 3 ايام متتاليه ان شاء الله

ثالثا: نبدأ فى وضع العلف للفطام فى نفس يوم الفطام ليلا (يعنى نتركهم بدون علف الوجبه الاولى فقط)

رابعا: احتياج ارنب التسمين من العلف يكون فى حدود من 80 جم الى 100 جم فى اليوم على حسب العمر
يعنى نبدأ ب 80 جم موزعه على فترتين او ثلاث فترات

خامسا: طبعا اتفقنا على وضع الانروفلوكساسين والنيومايسن فى الماء ثلاثه ايام فى الماء بعدها نبدأ بوضع فيتامين أد3ه ثلاثه ايام أخرى بعدها ننزل بمضاد كوكسيديا وانا بصراحه بفضل مضادات الكوكسيديا السائله لعدم تأثيرها على الكليتين لدى الأرانب

سادسا: نبدأ بوضع (جروفيت بلاس) وهو عباره عن أحماض امينيه ومعادن مهمه جدا لتكوين اللحم وهو كمان طعمه محبب للأرانب لانك تلاحظ كثره استهلاك الماء فى وجوده
نضع جروفيت بلاس بمعدل 1سم/لتر ماء


ملاحظات هامه

هناك عوامل اخرى تتحكم فى تسمين النتاج هى
نوع العلف --- نظافه المكان --- نوع الأرنب نفسه وهل هو سلاله انتاج لحم ام لا
بعض الناس تستعمل فيتامين ه-سلينيوم للفطام بدعوى انه يساعد فى انتاج اللحم وبصراحه انا ماجربتش الموضوع ده


انتهى البرنامج اخوانى ويارب ينفعنا كلنا بيه وياريت نناقشه معا حتى تكون اكثر فائده

وشكرا لكم                                م/أحمد محمد حسن

المصدر: خبراتى فى التربيه لمدة 5 سنوات
  • Currently 107/5 Stars.
  • 1 2 3 4 5
36 تصويتات / 3694 مشاهدة
نشرت فى 3 نوفمبر 2010 بواسطة dynoAgr

ساحة النقاش

gamalali1979

ياباشمهندس ازاى اقدر اتواصل مع حضرتك ؟؟؟ هل ممكن ايميل او رقم تليفون ؟؟؟

mostafax

هل يمكن استبدال يوسى ميزول ب أيفو ماك

mostafax

ماهو الوزن اللى نفطم عنده وجزاك الله خيرا

mostafa rizk abdelfatah فى 29 إبريل 2011
gezzawi

الله يفتح عليك يا باش مهندس وشكرا لمجهودك
(اخوك ابو يزن)

mandou
<h3>ياباش مهندس الله يفتح عليك وينور بصيرتك</h3> <h3>الكلام اللى انت بتقوله جميل ومقبول وعلى فكره خير البرهان هو التجربه ... مش فى المثل قالوا ( أسئل مجرب )&nbsp;</h3> <h3>تحياتى لشخصك الكريم وربنا يصلح حالنا وحالك &nbsp;: أمين :</h3> <h2>&nbsp;&nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; أخوك / م ممدوح الملوانى&nbsp;</h2>

عدد زيارات الموقع

38,213