يختلف سعر المتر المسطح او المربع (الفلات) عن المتر الطولى (البروز والاشكال).
مثال توضيحي،إذا كان لدى حواجز مستقيمة (Bulkheads) وهي على شكل حرف L بدون بيت نور أو ببيت نور، في الحالة دي هنجمع : طول الضلع القايم (الساقط من السقف الرئيسى) + طول الضلع النايم (الباطنية) المتصلة به ومتصله فى نفس الوقت بالجدار، عندنا حالتين:الحالة الأولي:الجهازإذا كان السقوط ١٥سم والباطنية ٤٥سم يكون مجموع الاثنين معًا ٦٠سم وده بيتحسب متر طولي.الحالة الثانية: إذا كان الضلعين بدون بيت نور يكون بسعر، وإذا اضفنا بيت نور يعني صاج وجبس تاني ممكن تزود فى السعر بنسبه بسيطة. اما إذا زادت النسبة عن ٧٠سم فى مجموع الضلعين فبعض الأشخاص يفضل أن تكون الحسبة بالمتر المربع أو الفلات.وكلما قل مجموع أطوال الضلعين القايم والنايم كلما زاد المكسب. اما عن حساب الخامات المستخدمة من الصاج والجبس وباقي الخامات المستخدمة فنقدر نقول أن لكل خامة مستخدمة في المتر مُعامل ومع تجميع هذه المُعاملات نصل إلى الكميات المستخدمة في المتر ونضربها في مجموع الأمتار المستخدمة هنعرف الإجمالي النهائي للخامات هيكون اد ايه وبكدا يسهل عملية التسعير.
