واحة بنى وشاح

اخبار البلد واهل البلد والكتابات الشعريه لاهالى البلد

فى العصرية طلعت سنسيه

بمشيتها الونية

رايحة الساقية القبليه

تملى بلاص الميه
قابلتها...

سلمت عليها وبأيديا مسكت ايديها

بصت عليا وعنيها جات فعنيا

وقالت ليك غاية فيا

انا قلت لو طلبوا عنيا تكون هديه

لاحلى بنت بعيون عسلية اهديها

بس ماتبخل عليا

بنظره من عنيها او لمسه من ايديها

أبعت مع الطير السلام

واسبق الغير بالكلام

واطلب ايديها

قالت خلاص تيجى ف العشيه

بس الاول انا مش اى بنيه

انا مهرى غالى وبدل الالف يكون ميه

وقصر عالى ليا وحديا

انا قلت كله يهون لاجل عيونها العسليه

عزمت اهلى وناسى

ورحت لابوها واخوها

لقيت ناس غيرى سبقونى وطلبوها

ضربت كف على كف

وعقلى من راسى لف

عرفت ان مالهمش امان
كلهم سنسيه.....

بس ف صور مخفيه ومداريه

يطلعو ف العصريه

يصيدوا من الشباب الى يكون ليه نيه

ويروح زى مارحت ف العشيه

مايلاقى سنسيه ولابختيه

ف النهايه...........

يعتب على نفسه ؟

ولا عالزمن ؟
ولايقول كل البنات سنسيه؟

ولايهرب زى ما هربت

بس ف دنيا مافيهاش بنت بعيون عسليه؟

(محمد رجب)

  • Currently 0/5 Stars.
  • 1 2 3 4 5
0 تصويتات / 47 مشاهدة
نشرت فى 28 فبراير 2012 بواسطة dahyragb2

ساحة النقاش

dahyragb2
»
جارى التحميل

تسجيل الدخول

عدد زيارات الموقع

2,398

بلــــــدى

يارب أهلى والمجتمع والناس