جوازة منيلة
يامقندل ومنيل
رد وقلنا فينك
عدي علينا وميل
وإتنيل على عينك
أه ياخيبة أملي أنا فيك
ألفبن وكسة عليك
هو الأبعد أطرش
بقالي يومين بناديك
فين مصروف البيت
ياللي إنت أهبل وعبيط
أجي أقولك شخلل جيبك
تتنيل وتظيط
بتودي فلوسك فين
قول ياغراب البين
على طول كحيان ومفلس
ظهرك محني من الدين
ياولية إتلمي شوية
وخفي الضغط عليا
لسانك زي المبرد
عمال يبرد فيا
وأنا عامل زي الثور
في الساقية ألف وأدور
ومغمضالي عنيا
لجل ماأشوف النور
ياولية سكوت بقا هس
طلباتك مابتخلص
ودليل راحة بالك
بتتخنب إنتي وأخس
مفيش في دماغك غير
المانيكير والباديكير
ومضيعة كل فلوسي
على إيد الكوافير
يوم ماإتجوزتك كان
نور الشمس مابان
ماشوفتش يوم أنا منك
غير طولة بس لسان
يوماتي أسمع أنا نبرك
قولي مين على عيشتي أنا جابرك
ياولية إختشي وإتلمي
خافي من ضمة قبرك
بقلم طارق السيد