إشاعات
إشاعات إشاعات إشاعات
أزمات أزمات أزمات
عملولنا كتير حوارات
منعوا عنا الدولارات
غلت الأسعار بسببهم
إله ما يكسبهم
الغلبان المسكين
قابل وحده الصدمات
مش عارف يجي منين
ولا عارف هيروح فين
دخله علي اد الحال
ماشي يدوب بالضالين
لكنه واعي وفاهم
وطني وعظيم متفاهم
إنها أزمات مقصودة
والحال مش دايما دايم
مهتم بغيطه وأرضه
خايف علي بيته وعرضه
مؤمن بقضية بلده
عايش لحماية وطنه
ممكن يقضيها بعيش
وينام لو حتي مفيش
ويصبر أم عياله
يقدر بالعافية يعيش
عارف ان احنا ف ضيقة
والحرب علينا حقيقة
مش كدب ولا تهويش
تهديدنا كل دقيقة
وهتفرج بكرة أكيد
وبكرة مش عنابعيد
ده بكرة قريب جدا
جايلنا بفجر جديد
هنشوف ف عنيهم حسرة
أعداء الوطن الفجرة
راهنوا علي بطن جعانة
زرعت ف طريقهم شجرة
شاعر الوطن /آسر فاروق طرباي

أعجبني

تعليق

  • Currently 0/5 Stars.
  • 1 2 3 4 5
0 تصويتات / 59 مشاهدة
نشرت فى 21 سبتمبر 2016 بواسطة azzah1234

عدد زيارات الموقع

139,710