يا بحر مال موجك
ساكت كدا وحزين
لو اعوم على عومك
هيجف دمع العين
زعلان قوى كدا ليه
وشايل تمللى الهم
أمال انا اعمل إيه
لما انتا تبكى يا عم
لو تعرف قد إيه همى
ماتنزل دمعه من عينك
وبتحمل أنا ألمى
واضحك بينى وبينك
وتزعل ليه وتتأثر
ورمال الشط احبابك
جيت بدرى وللا متأخر
بتاخدهم فى أحضانك
الدور والباقى بقى عليه
أروح وآجى ما حدا يسأل
والنفس عزيزه وأبيه
وتخاف من حد يتقل
ياريتنى أنا كمان زيك
القمر والشمس أحبابك
والبشر كل عام عايزك
بييجى يدق على بابك
منير خاطر

  • Currently 0/5 Stars.
  • 1 2 3 4 5
0 تصويتات / 14 مشاهدة
نشرت فى 22 أغسطس 2016 بواسطة azzah1234

عدد زيارات الموقع

51,050