باقى يومين يا بيه
ونودع كسر الجنيه
زى ما ودعنا البريزه
وكانت علينا عزيزه
كنا نديها للواد
يشترى الزاد والزواد
خلاص دخلت المتحف
يروحلها البشر يزحف
والبرنزه والنكله والمليم
أيامهم كانت فى السليم
والقرش والتعريفه
كانت نفوسنا نضيفه
والشلن والنص افرنك
يملوا البنزين فى التنك
الربع لسه متبت
والنص فينا معبط
لكن هلبت ويجوز
صندوقهم هناك محجوز
مستنى يهلوا عليه
ويبقى الدور ع الجنيه
حد بيكبس من فوق
والحاله تحت تسوق
منير خاطر

  • Currently 0/5 Stars.
  • 1 2 3 4 5
0 تصويتات / 15 مشاهدة
نشرت فى 20 أغسطس 2016 بواسطة azzah1234

عدد زيارات الموقع

52,066