(( يوم ميلادك ))

كان يوم ميلادك
فرحه وعيد
شمس طالعه
ليوم جديد
قمر ونوره
قريب وبعيد
كان يوم حظ
كان يوم نصيب
انكتب علي قلبي فيه
يومك سعيد...

كان يوم ميلادك
طيور بتغني
أمل جديد
حاسه بقلبي
ضحكه عفويه
طالعه مني
قولت ساعتها
خير ياربي
أتاري السعاده
جايه لقلبي
واخده الأوامر
وجايه تلبي...

كان يوم ميلادك
كان أحلي يوم
من غير مناسبه
مش جايلي نوم
شعور واخدني
رايح جاي
من النهارده
لاعتاب ولا لوم
حاسس قلبي
كأنه نسمه
ريشه طايره
سمكه في بحر
عايم عوووووم
كان يوم ميلادك
احلي يوم...

كان يوم ميلادك
وصلّني سلامك
حًضنّي قلبك
دوبت في غرامك
شبكت عيوني
ماشافتش غيرك
وسنين ومرّت
وبقيت حلالك
من يوم ميلادك...
ياحبيبي...

ماهر البساطي..


  • Currently 0/5 Stars.
  • 1 2 3 4 5
0 تصويتات / 73 مشاهدة
نشرت فى 8 أغسطس 2016 بواسطة azzah1234

عدد زيارات الموقع

140,189