موقع الأستاذ عبد الفتاح أمير عباس أبو زيد

موقع لغوي أدبي تربوي قبمي

د.محمود عبد الغني السيد

الزواج ، والابناء ..(١)
==============

يقول الشيخ / أحمد أبو حفص الجوهري - حفظه الله:

 

ماذا يفعلون بأنفسهم ؟

أولئك الذين يؤخرون الزواج ... فتقصر بهم فترة الإنجاب ، ثم هم فيها يحدّدون لأنفسهم - معاذ الله - ألا يجاوزوا ولدين أو ثلاثة ..

ألا علموا أنّ كثرة نسل الرّجل الصالح - ما ربّاهم على مثل ما هو عليه :

(١) عُدة له في الحياة

(٢) وذخراً له بعد الممات

(٣) وزيادة في حسناته

(٤) ورفعة في درجاته

(٥) وجُنّة من النار

(٦) وسبب موصل إلى الجنة ... ورضا الرحمن - جلَّ وعلا .

اللهم أطل عمري ، وكثر نسلي ، ووسّع رزقي ، وأصلح أهلي ! .
-------------------------------------------------

ويقول الدكتور/ Yasser Abdo -حفظه الله :

من خلال توسطى فى حل بعض المشاكل الزوجية .. من اْهم الأسباب المؤدية للطلاق : هي ضعف شخصية ولى أمر الزوجه فى الأمور المصيرية ، فيقضى على مستقبل أسرة .. وهو غير مبال !.

( نصيحه) :

يا شباب قبل الزوجه ( اختاروا ) مع اختيار الزوجة ، ولى أمرها اللى تعرف ترد عليه ، ويجيب لك حقك ....

 

الزواج ، والأبناء ، والتعدد ..(٢)
=====================

يقول الأستاذ / أحمد برووست :

• هو ينفع الراجل يتجوز على مراته بدون موافقتها ؟ ..

_ موافقتها مش شرط أصلا .. مش من حقها ترفض .. و خد التقيلة دي كمان .. مش لازم يعرفها أنه هيتجوز .. مش شرط و مش واجب عليه .. و مفيش نصوص بتقول أنه لازم .. فا بلاش العاطفة تخلينا نفتي كدا ..

• أيوة بس لازم تكون مقصرة معاه أو مش بتخلف و له أسباب ..

_ لأ مش لازم .. ممكن تكون مش مقصرة و يتجوز عليها عادي .. حلال و براحته .. " فانكحوا ما طاب لكم " .. حوار مقصرة معاه و مش بتخلف و الحاجات دي .. اسمها أسباب و حِكَم ربنا في التعدد .. مش شروط هي ..

• يتجوز عليها ليه يعني ؟ .. فراغة عين ؟ .. دي خيانة ..

_ دا كدا اتهام للنبي و الصحابة و التابعين و تابعي التابعين .. بالخيانة و فراغة العين .. دي فطرة ربنا خلقها فِـ الرجالة .. التعدد مش خيانة .. هو ربنا خلقه يقدر يحب كذا واحدة مع بعض .. يتجوز براحته .. هو حر ..

• طَب ينفع تطلب الطلاق لمجرد أنه هيتجوز عليها ؟ ..

_ لأ .. النبي قال : « أيما امرأة سألت زوجها الطلاق من غير بأس فحرام عليها رائحة الجنة » .. و التعدد في حد ذاته كَـ تعدد .. مش بأس أصلا ..

• طَب هي ينفع تطلب الطلاق لو ظلمها ؟ ..

_ آه طبعا .. هنا نقول أن دا اسمه بأس .. لو ظلمها في النفقة .. المبيت .. السكن .. لأن حرام يظلمها و في أشباه رجال كتير بيعملوا كدا للأسف ..

• بس النبي رفض أن علي بن أبي طالب يتجوز على فاطمة بنته ..

_ دي حالة خاصة لـ فاطمة بنت النبي .. اللي قال ساعتها أنه مش بيحرم حاجة حلال .. ها .. و علي كان هيتجوز بنت أبي جهل فا ما ينفعش بنت عدو الله تجتمع مع بنت رسول الله فِـ بيت واحد .. مش ظلم ليها .. بس الموقف نفسه لا يرضاه النبي و لا ابنته و له أسباب كتير ابحثوا عنها ..

• يعني انتوا سيبتوا كل حاجة في الشرع و مسكتوا فِـ التعدد ؟ ..

_ مش بتكلم عن النوعية دي مِ الرجالة .. أنا بتكلم فِـ الدين نفسه .. مش ذنبي أنك وافقتي على راجل واخد الدين بالشكل دا و رضيتي و لما فكر يتجوز عليكي عملتي فيلم .. ما تتاجريش بالحتة الدينية دي لمزاجك ..

• بدل ما يتجوز اتنين .. يروح يجوّز شاب مش لاقي ..

خلاص بدل ما تاكلي فراخ و لحمة .. كُلي بصارة على طول و أكّلي ناس مش لاقية و ما تجيبيش Brands و عيشي فِـ تقشف .. بلاش مزايدة ع الناس .. براحته ع فكرة .. يعف شاب .. يتجوز .. يعمل الـ 2 .. هو حر ..

• على فكرة .. ربنا خلق لآدم حواء واحدة .. مش 4 ..

_ كدا انتي فتكة يعني ؟ .. ما احنا ما قولناش أن التعدد فريضة .. دا .. Option .. عايز يعدد براحته .. مش هيقدر أو خايف ما يعدلش .. يبقا واحدة بس أو ما ملكت يمينه .. لو اتجوز 2 و ظلم واحدة فيهم بييجي يوم القيامة و شقّه مائل .. من الظلم ..

• ربنا قال : " و لن تعدلوا " يبقا مفيش تعدد أصلا ..

_ انتي هتخترعي دين جديد ؟ .. قولي الآية صح .. " و لن تستطيعوا أن تعدلوا بين النساء و لو حرصتم " .. و دي مقصود بيها العدل القلبي مش اللي بتقوليه .. و معناها أن الراجل ما ينفعش يظلم زوجة بسبب الحب ..

• المفروض يراعي مشاعر مراته و ما يجرحهاش .. دي قسوة ..

_ و معانا اتهام تاني للنبي و الصحابة و التابعين بالقسوة و عدم مراعاة مشاعر النساء .. أنضف ناس فِـ الأمة .. يعني أحسن مني و منك ألف مرة في مراعاة مشاعر النساء .. فا مفيش تعارض بين الاتنين .. و ربنا عاتب النبي و قال له : " لِمَ تحرم ما أحل الله لك تبتغي مرضاة أزواجك " ؟ .. يعني ليه بتحرم على نفسك حاجة حلال عشان ترضي مراتك ؟ .. عشان مارية القبطية لما أمنا حفصة غارت منها .. و قيل عشان قصة العسل ..

• أيوة بس ليه هي تعيش غيرانة و ليه ربنا يكتب عليها كدا ؟ ..

_ ابتلاء من ضمن الابتلاءات اللي ربنا كتبها على بنات آدم .. عادي .. زي آلام الحمل و الولادة .. و الآلام اللي بتمنعها مِ الصلاة .. ربنا كتب القتال على الصحابة و قال : " كُتِبَ عليكم القتال و هو كره لكم " .. ينفع نقول اشمعنى ؟ .. أهو التعدد برضه اختبار .. و ربنا قدَّره على بعض النساء ..

• يا دكتور هو حد عارف يتجوز واحدة لما هيتجوز 4 ؟ ..

_ أنا ما قولتش كله يروح يتجوز 4 .. أنا بتكلم في نقط محددة و أخطاء شائعة جدا و لازم تتصحح .. يتجوز بقا .. ما يتجوزش .. مش بتاعتي .. التعدد مسؤولية و بيت و حوار .. الزواج في حد ذاته مسؤولية كبيرة ..

• على فكرة البنت اللي بتشجع التعدد و تخطب لجوزها دي باردة ..

_ لأ مش باردة .. هي بتغير برضه .. بس فاهمة الدين كويس .. و عارفة حِكَم ربنا من التعدد و بتحاول تحل مشاكل العنوسة و زيادة عدد النساء قصاد الرجال و بتجاهد غيرتها .. مش معنى أنها عملت كدا أنك تغلطي ..

* الـ Comments هتوريكم كمية الناس اللي بتتبع هوى النفس و خلاص *

#التعدد_شرع_ورحمة .

amer123123

اللهم احفظ المسلمين من شر وسوء المنافقين والخونة والعملاء والكافرين يارب

  • Currently 0/5 Stars.
  • 1 2 3 4 5
0 تصويتات / 25 مشاهدة
نشرت فى 19 يوليو 2017 بواسطة amer123123

ساحة النقاش

عبد الفتاح أمير عباس أبوذيد

amer123123
موقع لغوي تربوي وأدبي وقيمي الرؤية والرسالة والأهداف: رؤيتنا: الرؤية : الارتقاء بالمنظومة التعليمية والتربوية بما يؤسس لجيل مبدع منتمٍ لوطنه معتزاً بلغته فخوراً بدينه رسالتنا: السعي لتقديم خدمات تربوية وتعليمية ذات جودة عالية بتوظيف التقنية الحديثة ضمن بيئة جاذبة ومحفزة ودافعة للإبداع الأهداف التي نسعى إلى تحقيقها · إعداد »
جارى التحميل

تسجيل الدخول

عدد زيارات الموقع

8,992,411