مالى كده مخنوق ومتدايق
مهموم دايما ومش فايق
ومكشر وضارب بوز
شباب فى الأصل كإنى عجوز
ومفلس انا علطول
وجيبى من الفلوس خالى
لا انا سارق ولامسروق
وقلبى من الهموم شارد
ولا عارف طعم للدنيا
ومش عارف احس فروق
ما بين السخن والبارد
وكنت زمان انا العاشق
وانا الفتان وانا المعشوق
بقيت وحدى فى الخيال شارد
لا انا عاشق ولا معشوق
كل ماقول اهى فرجت
تقل الدنيا فى عنيا كتير وتضيق
وكنت زمان انا الفتان وواد عايق
لقبت نفسى مع الايام
لا انا الفتان ولا العايق ومش عارف
مالى كده مخنوق ومتدايق
قالوا خلاص كفايه هموم
وفى 100 يوم مركبك ترسى
وعد خدناه امام الله ومن مرسى
يوم ورا يوم ولارسيت لنا مركب
مفيش بنزين ولا بوتاجاز ولا انجاز
غيرشى كلام ..ولا لاقى حمار اركب
واصحى وانام وكلى هموم ومتدايق
بقيت سارح لا انا عارف انا سكران ولا فايق
