مين قال لك كلامك ده هيغرينى ؟
ولا هازعل ولا هاغضب
خلاص هانسى كلام يتعب
واسيبك تكتبى اوهام لكل الناس وتنسينى..
أنا اصلى مش ناقص كلام معسول
أنا كلى كلام ف اصول
ولا هاأعرف فى يوم غير
حاجز مابين قلبين
ونار تغلى ..ومايطفى أوارها قول
ولا ف مره هيغرينى
وانا كل اللى باسمعه حيكون
حاجز مابين حبنا وبينى
خلاص قلبى انا نسيته
وكان اوهام
خلاص حبنا وفى الأحلام
خلاص انا فهمتك
انتى خلاص كلام فى كلام
ياريتك بس تنسينى

مين قال لك انا مبسوط وانت ياحلوه بتـــــعانى
أنا مهموم عشان همـــك يامصر هم ربانــــى
وشده تفوت ولا يهمك وكل الدنيا سامعانــــــى
أنا مصرى انا بحبك انا ابنك مسلم ونصرانــــى
غير شى بس بعيد عنك همومك بس اللى صــايبانى
ونفسى اعرف قليل الأصل ليه يامصر إخوانــــى ؟!!
انا يامصر نفسى اعزم عبيط واهبل ومش عـــارف
مين القاتل ؟ مين المقتول؟ ومين يامصر بيعانــــى
وصوت النار فى كل دارويقولوا خسيس وبرانــــى ؟!!!
نفسى أعرف هو مين يامصر اللى بيقتل التانــــى؟!!!

عــيـونك جــــــــميله وملـــــــــهاش حـلْ
بلون البــــحر زرقه والرمــــــــــوش أَكْـحَــلْ
ولا الشـــــــــفايف مثل الـــــــكريز واجمــلْ
والبدر من ضــــــــــيك لابــــــــان ولاهـلْ
أبــيع عمرى بس الجـــــــــميل يرضـــــــى
وإن كان الجفا طبــــعك أشــــــوف لك حــــــل
وإن كـان الجــــــــــــــــميل يرضـــــيه
أمـــــــــــوت بعلــــــــــــتى وارحـل ْ
لجل الوفا أفديــــه بس ياريت يســــــــــــــألْ
أهل الـــــــــــهوى مرضــــــــــــــى
وكل الأطـــــبه وصـــفهم لازم الحـــبيب يرضـــى
ومن غــــــير رضـاكى .. أموت بعـــلتى وارحـــلْ

أنا عمرى ماراح اندم
على كلمه
على دحكه
على بسمه
ملاها الزيف
أنا عمرى ماراح اعرف
ليالى الضلمة فى يوم تانى
حياه مرت سحابة صيف
ولا ضيى فى يوم هيروح
ولا لسانى ف يوم هيبوح
بكلمة حب قلناها
خلاص انسى
مفيش تانى ولا كلمه
ولا بسمه
ولا دحكه
وبعد النور مابيضلم
هيبقى له ضى وطيف؟
خلاص انسى!!
ولا يدخل بلقبى الخوف
أنا عمرى ماراح أعرف
صاحب كلمه خداعه
ولا حعرف فى طول عمرى
أعيش عمرى معاك ساعة
أنا عمرى ماراح اندم
على حاجه قلناها
ولا رايح فى يوم أنسى
وعود بينا قطعناها
ولا أصدق كلام زايف
خلاص بيعه وسيبناها
لوالغالى فى يوم يرخص
ولا يسبتش على سعره
خلاص بيعه كرهناها

أعاتبك ياقلبى ولو تغضبْ
واسيبك فى الهوى تعافرْ
مفيش فى الدنيا شىء يتحبْ
كلمه تعرفها من الآخرْ
كل ما تقول ياقلبى نتصالحْ
ونتسامح .. ونتخلى عشان الحبْ
تلاقى مفيش فايدة ولا آخرْ
وصيتك زمان مره
وتقوللى كلام ساخر ْ
--------------------------
وعجبى

مكتوب لى ومكتوب لك
نعيش انا وانت حلو ومر
ومقدر فى علم الغيب
ليالى الضلمه اكيد هتمر
وحنشوف انا وأنت ليالى الخير
وحنجرب أنا وانت فساوة الشر
وهتمر سحابة صيف
وهتعدى سحابة خير
وحتضلل فى عز الحر
مكتوب لى انا وانت نعيش أيام
وهنحلم كتير يامه
ومع الأيام نلاقى حلم يتحقق
وحلم يمر فيه اوهام
عشان منعش أنا وانت فى الأحلام
مكتوب لى ومكتوب لك
نعيش انا وانت حلو ومر

مين قالك أنا فرحان؟ 
ومين قال لك أنا هااحزن؟
أنا اللى الفرح خاصمنى ..
وحتى الحزن جافانى
ولما دمعه فى عيونى 
تكون مره وتعبانى
ولما الدنيا بتعاند ..
وأقول ياحزن روح وارحل
أسمع صدى ف قلبى 
بقولى كفايه موت احسن!!

كلام قلناه ولا سمعتوش
بلاش العند يركبنا
بلاش نحرق باايدينا نحوش
ولا حدش يشوف توبنا
وقلنا خلاص ومش عايزين
نقول ياخوانا حلق حوش
ولا حدش كان راضى يسمعنا
بلاش تعمل حاجات فى فشوش
قلتوا كلام ملوش معنى 
_______________
وعجبـــــــــــى

مبن يقدر يجيب لى دموع عشان ابكى ؟
ومين يقدر يقول لعيونى ليه جفـــــــت ؟
ليه ياهم لابس توب غير توبك ومتخفى
لمين اشكى هموم فى القلب جارحـــــانى
هموم فاضت فيك ياقلبى و مســــــتكفى
بعيد عنك تشوف الحزن فى عيــــــونى
تشوف روحى خلاص طلعت على كفى
واشوفك سعــــــيد فرحان ومتشــــــــــفى

أنا بحار من غير سفينه ولا مركبْ
ولا مجداف وبحرى غار وانا مسافرْ
فى دنيا بعيده مالها قرار ومش عارف لفين اركبْ
أنا فنان وكنت أشرح كلام من فنى وبيعجبْ
وعدت اليوم لا انا فنان ولا عارفش إيه اكتبْ
أنا صادق ومن صدقى بقيت وصمه على جبينى
ومش عارف لو بالكدب هاارضيكم 
كيف أكذب ؟؟؟؟

تعقلى واتركى لقلبك أن يكونْ
فى الحب بستانُ وردٍ وغصونْ
ودعى الشكوك فمن يحبك لايخونْ
إنى أراك خمبلةً أحببتها فعلام هاتيك الظنون ْ؟؟
وأراك نيلاً صافياً عذب المياهِ
وخمرةٌ من قطفٍ حلال ٌخمرهُ
من جنة الخلد التى لو تعشقينى مثلما قد عشقتكِ
ماسَمِلْتِ ولا سَكِرْتِ ولاتاه عقلكِ فى الظنون ْ
إنى احبك يافتاتى كلما كتبت اناملكِ الحروف
إنى احبكِ كلما سرحت عيونك ِ فى العيون
وتشابكت الكلمات تعشق بعضها 
ومن شفتينا ينطق الحب الذى لا يكلُ ولا يملُ ولا يخونْ
إنى أحبك رغم السفر البعيد 
ورغم ضجيجنا وخصامنا وصراخنا
إنى أحبكِ إنْ نطقتِ ..وإن سكتى
إنى أحبك فى سكون ْ

قلبـــى من الأحــــــــزان منفـــــــــــطرُ
ودمعى من الأحـــــــــداق منـــــــــهمرُ
أبكيكم من الأعمـــــــاق يابشــــــــــــرُ
فمن ذا الذى لهذا الدمــــــــع يعتــــــبرُ
أما ترون مابى من الأحزان والعــــبرُ
وأنتم هاهنا سكارى لا تدرون ماالخبرُ

فيارب الخلق إكتبنا فى الأُ لى صبروا

يا من تجـنى بالـــدلال فتنتنـى
وعلمت أنى لا محـــالةَ واقــعُ
فأشرت من طرف البنان محـــذراً
وتركتنى فى لجج المحبة ضـــائعُ
فاارفق بحال صـــبابتى متجمـلاً
ودع العيون الناعسات أصـــارعُ
فتنت رموشك ماقد علمت من الهوى
وأراك حين فُتنتُ بحاجبيك تمانــعُ
وادركت أنى للعيون الساحرات معاتباً
فلــففت حول المقلتين براقـــعُ
هون عليـنا مالقـينا مـن الهـوى

قل لى بربك ماقــد نويت وصانـعُ ؟!

كنت عايز اقولك كلمتينْ
ياريتك إنتى بس تسمعيهمْ
تحفظيهمْ ..
تكتبيهمْ ..
كله زينْ ..
الحياه دى زى نقطه
مرسومه ف عمر السنينْ
ممكن ف مره تبقى سوده
وممكن ف مره تبقى بيضا
وبإ يدينا أحنا بس هتترسمْ
وبكل لونْ...
فاهمه قصدى يعنى إيه؟؟؟؟
أوعى تقولى د القدرْ !!!!!
هو وحده اللى غدرْ
كنت لازم تعرفى انه السعاده
بتتولد بأيد البشرْ
إحنا السبب فى اللى احنا فيهْ
لو تزرعى ورد تلاقيهْ
عمره حد بيرمى شوكْ
يطلع جزر ْ؟؟!!!!
فاهمه قصدى ولا إيهْ ؟؟

علينا ضاقت الدنـــــــيا
والله والأمور خابــــــــت
أنا عارف إنها فانيـــــــه
لكن لينا ما طابـــــــــت
لا انا عارف أنا مصــــرى
ولا شامى ..ولا عراقى
ولا ليبى و لا اكون مين؟
أنا عربى لكن غضبان
على بلادى من الظالمين
عين حسدتها وانصابت

ألا يادهر خبرنى فما الآ تى؟
أنا فى قلبى نيرانٌ مضرمةٌ ومأساتى
أنا فى الكون أستغربْ
أنا أعجبْ !!!!
ألا يادهر فالأ غربْ
يعيش الكل معاناتى
فى سوريا هنا تغربْ شمس أمتنا
متى يشرق ضياءُ صبحها الآتى
وفى مصرى أرى شعبها يغرقْ
حىٌ فى أكفان أموات

آه ياوعدى عليك يازمان
لما تعدى وافتكرك
وانام واصحى على ذكراك
ياريت آجى على فكرك ؟
---------------------------
فاكره زمان يابدريه
كنتى تخافى م القطه
وكنتى تدحكى لما
يمامه تداعب البطه
وكانوا خدودك الحلوين
يدحكوا معاكى بلون احمر
ولا شفايفك الأشطه
---------------------------
فاكره زمان يابدريه
فاكره ايديكى ف ايديا
وامشى شايل الشنطه
على كتافى
واقول امشى يابدريه ولاتخافى
-------------------------
والله زمان يابدريه
كنت ابص ف عنيكى
أشوف أحلام كتير جايه
واشوف ف عنيكى بحر ازرق
وكله جمال وحنيه
وف شعرك سواد الليل
وكنت احلم ف يوم نكبر
واقول يارب تكون ليا
-------------------------
كنت ابص ف عنيكى
والاقى ايديا ف ايديكى
وقلبى يدق ..
كإنى بالف فى ساقيه وادور حواليكى
وقلبى يقول ..على فكره
محدش عارف ايه اللى يكون بكره
سنين من عمركم هتمر وتعدى
وبدريه تكون ذكرى
وتسألها يابدريه والله زماااااان
ترد تقول مانيش فاكره !!!!!!

من حنايا الصدر أكتبـــــها
وأرسم فى قوافيـــــــها
لذى العينين أغنيــــــــة
وفى شطرين أحكيـــــــها
فى أولاهما وصــــ  ـــفٌ
عن العزال أحجبها أداريــــها
وفى ثانيهما ألـــــــــمٌ
وأوجاعٌ من تجافيـــــــها
وأدعوا الله فى صحـــــوى

وفى نومـى لعل الله يهديــها

كان نفسى أعتب عليكى.
لكن خلاص العتاب
ضايع بين ايديكى
وقفلتى للود باب
كان نفسى اعتب عليكى
واقول لك كلمتين

لكن باين علينا
ضاعت بينا السنين
وخيمت ع الحب غيمه
نهار الحب ضلم
ولف النور ضباب..
كان نفسى اعتب عليكى
لكن قلبى الحزين
باين هان عليكى
ونسيتى انى سايب لك
فى القلب أسرار وديـن

لا تسألى الليل ماحاله بعدى
ولاتسألى الأيام عن حالى
فللناس عندى معذرة
فيما جنيت وماكان فى البال
فلاتكونى مسيئة الظن ذى فحش
فما أنا بالفارغ الخالى
ومابى غير أسقامى أعللها
لعلى إن أغريتها أعش خالى البال