هنقشر القلقاس كويس و نغسلة بماية سخنة على قد ما تقدرى تستحملى سخونة الماية
و فى اخر شطفة حطى عصير لمون على قد الكمية بتاعتك يعنى انا مثلا بحط 2 لمونة للكيلو و سبيى العصير حوالى 10 دقائق كدة و اغسلى هتلاقى كل المادة اللزجة خرجت بسهولة
نيجى بقى للسلق
شوفى بقى انتى هتاخذى ورق السلق و ارمى الجزور معرفش بقى و لا بيسموها اية هههههه المهم هناخذ الجزء العريض اللى فوق بس و تقرطفى البقدونس و الكسبرة و تغسليهم كلهم مع بعض ....تمام كدة
تيجى بقى على دورق الخلاط و تحطيهم كلهم متخفيش على الخلاط لانك هتزودى ماية كتير علشان ميبقاش تقيل على الخلاط و اضربيهم كتيييييير اوى يعنى لا يقل عن ربع ساعة ضرب لحد ما ينعم جدا
و بعد كدة هتجيبى حلة خدى بالك مش طاسة و تحطى فيها سمن و تنزلى
العصير اللى عملناة فى الخلاط وتحطية على النار لحد ما يبدء يقلب و بعدين
وطى النار و سبية يتسبك كويس جدا جدا تسلقى القلقاس فى مرقة مضاف ليها عصير لمونة لحد ما يستوى
و بعد ما يتسبك السلق و الخضرة خدى حبة من السمن اللى طلع على
الوش و حطية فى طاسة و اعملى تقلية توم ذى بتاعة الملوخية بالظبط و
طشيها على السلق و بعدين طشيهم كلهم على القلقاس
و بالف هنا و شفا
بصى انا قولتلك حطى العصير فى حلة علشان هو ساعات بيطرطش جامد فبتحتاجى انك تغطية كويس و كمان علشان تبقى غويطة
