المقادير:
ملح -شطه -زيت
سردين
الطريقة:
هتجيبى السردين وتغسلية كويس جدا
ترصيه فة طبق ويفضل على ورق جرايد او ورق نشاف علشان يمتص الماية وتسبية 10 دقايق
هتجيبى برطمان او طبق غويط ولو عندك جرد من بتاع الجبنة الصغير دة بيبقى تحفة فى التخليل هتحطى فية كيس نايلون وبعدين
هترشى حبة ملح وشطة فى القاع وبعد كدة تحطى طبقة سردين وياريت تحطى الراس عكس الديل وتملى الراس ملح وشطة
وبعدين ترشى ملح وشطة علية من فوق وبعدين طبقة سردين وهكذا لغاية ما الكمية تخلص
بعد كدة هترشة طبقة الملح والشطة الاخيرة وبعدين تحطى الزيت علشان يحافظ علية
اقفلى علية الكيس كويس وغطية بورقة جرايد وبعدين حطى الغطا ولو هتعملى فى طبق يبقى تلفى فى كذا كيس
تسبية 10 ايام وبعدين تطلعية تغسلية وتقشرية وتفتحية ويتقدم بالهنا
